Dyém 3:2 - Blaan Sarangani

² Kdeeito gal gamsalà. I to landè gugsalaan di ktaluan, kenen to landè gukulangan, na gmagan kenen damnan i kton.

Dyém 3:2 ပူးပေါင်းရင်းမြစ်များ

Salmo 34:13

Ani kibòyu, too fgeye du fye là gamu talù sasè; na nang gamu tmulen kéng.

Dad Fngewe 10:19

I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.

Dad Fngewe 13:3

I to toon fangeye i dad manan, toon nifat i kton, bay i to talù laan funa fandam i manan, falmon i kton.

Dad Fngewe 20:9

Simto to fakayan man too mlaneb i fandaman na landè salaan?

Dad Fngewe 21:23

I to là mayè gakuf di samuk, toon fangeye i manan.

Matyu 12:34

E gamu, gambet gamu ulad du alò sasè i mnè di nawayu. Landè kibòyu talù fye du sasè gamu! Hae, du ku tan i mnè di nawa i satu to, én i lamwà di baan.

Matyu 12:37

Du ku fye gmanyu laan gamu sa fanlayam. Bay ku sasè gmanyu fanlayaman gamu.”

Roma 3:10

Du nun man di Tnalù Dwata tafsulatan, manan, “Landè to matlu di kite Dwata, balù satu.

Roma 7:21

Ani gal kel di deg, ku én kayègu mimò fye, nun sasè gal gableng deg.

1 Korintu 9:27

Na toogu dnan i kdee knayè lawehgu, du likò agu ku di kafngegu tamdò di dademe dad to i fye dalan, na làgu lalò, salngad agu i to faskuya i dademe to di kaskuya, bay kafnge én, làgu gdawat i untung, du làgu nimen i kdee flalò di kaskuya.

Galasya 3:22

Kabay landè flalò gamlé nawa, na nun gsulat di Tnalù Dwata manan kdee dad to di tah tanà ani mgikat di dad salà, taman i kafye fakang Dwata fagu di kafaglut di ku Dyisas Krayst i gablé di dad to faglut di kenen.

Galasya 5:17

Du i sasè knayè i lawehito na i knayè Tulus Dwata sahal. I knayè Mtiu Tulus, knangan i knayè laweh, na i knayè laweh, knangan i knayè Mtiu Tulus. Saglà ale di fandamito, na én gablabal di kimoito fye.

Kolosas 1:28

Taman too gami tmulen gablà ku Krayst, fanngewemi na tdòmi i kdee dad to, mdà di kfulung blé Dwata gami, du fye kadang di ktadagla di muna Dwata, landè gukulang i kafaglutla du mdà di ksasatula di ku Krayst.

Kolosas 4:12

Ifafras i mdà di gamu banwe na satu salig Krayst Dyisas, fandaman gamu kun. Na toon gamu dnasal, du fye mgal na lamnok i kafaglutyu, du fye tooyu gadè i knayè Dwata.

Dyém 1:26

Nun to kè man nawan too faglut kenen? Ku laan damnan i ktaluan sasè toon fangaw i kton, na landè gukmamu i kafaglutan.

Dyém 1:4

Fadlug gamu di kagtayudyu, du i uléan dunan matnù i kafaglutyu kel di ksikofan, na landè gukulangyu.

Dyém 2:10

Du ku nun to mimen i kdee flalò Dwata, bay nlafaan balù alò satu salngad ku tanlafaan i kdee flaloan.

1 Fiter 3:10

du gman di Tnalù Dwata, “Mayè gamu kè ku nun fye knèyu na ku mlawil gamu? Mayè gamu kè ku nun klehewyu? Ani kibòyu, too fgeye du fye là gamu talù sasè, na nang gamu tmulen kéng.

1 Fiter 5:10

Kafngeyu magu di kaflayam là mlo, Dwata gumdà kdee kafye, i malék gamu du fye gagin gamu di kdatah Krayst kel di landè sen, snikofan i gukulangyu, na tangalan i kafaglutyu, du fye gamtayud gamu di kdee mkel di gamu.