Dyém 1:26 - Blaan Sarangani

²⁶ Nun to kè man nawan too faglut kenen? Ku laan damnan i ktaluan sasè toon fangaw i kton, na landè gukmamu i kafaglutan.

Dyém 1:26 ပူးပေါင်းရင်းမြစ်များ

Salmo 32:9

Nang ge gambet i kudà demen baka i landè kaglabat, du silang ale mimen ku knakang ale na nikat.”

Salmo 34:13

Ani kibòyu, too fgeye du fye là gamu talù sasè; na nang gamu tmulen kéng.

Dad Fngewe 10:19

I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.

Dad Fngewe 10:31

I gman i to matlu gugmadè i kfulungan, bay i gman i to sasè, matlag sa kadang.

Dad Fngewe 14:12

Nun dalan fandam i to too matlu, bay gusen i dalan ani di fati.

Dad Fngewe 15:2

Ku nun man i to fulung faldam, too kayè i dademe ganbet, bay ku nun man i to là fulung faldam, landè gukmamu dun.

Dad Fngewe 16:10

I glal i harì mdà di Dwata, taman i kukuman mbaling matlu.

Dad Fngewe 16:25

Nun dalan fandam i to too matlu, bay i gusen i dalan ani di fati.

Dad Fngewe 19:1

Fye fa i to ku landè na matlu nimoan, di to là fulung faldam na tmulen kéng.

Dad Fngewe 21:26

Na i to là mayè mimò, tayud i duh aloan fandam i knibalan, bay i to matlu, fandaman i dademen to, du too kenen mayè mlé.

Matyu 15:9

Taman landè gukmamu i kfangamfùla di deg, du i tdò manla mdà di Dwata, mdà alò di dad to.’ ”

Mark 7:7

Taman landè gukmamu i kfangamfùla di deg, du i tdò manla mdà di Dwata, mdà alò di to.’

I Fye Tulen gablà ku Dyisas Krayst i Sulat Luk 8:18

Tooyu fanse flinge i tdògu, du i dad to nun kaglabat i tdògu tananù Dwata. Na i dad to là fkah dun di nawala, nawì Dwata balù i tukay man nawala glabatla.”

1 Korintu 15:15

Na ise alò ani, du ku glut, kakakéng i gmanmi, du tdòmi nték Dwata Krayst mdà di fati. Kabay ku glut là mték i dad mati, là nték Dwata Krayst.

1 Korintu 15:2

Na mdà di Fye Tulen gablà di ku Dyisas tatdògu gamu, galwà gamu di kaflayam landè gusenan, ku làyu kah i Fye Tulen ani. Du ku kahyu i Fye Tulen, landè gukmamu i kafaglutyu.

1 Korintu 3:18

Nangyu fafgaw i ktoyu. Ku nun di gamu, man nawan too kenen fulung du én gman dad to là faglut, fye fa baling ku tagakan i kfulungan ani, du fye mbaling too fulung.

Galasya 2:6

Na gablà di dad to dnagit ulu, di kaklingela i tdògu landè tanlasla na landè tnùla. Balù simto dad to én là mabtas di deg, du ise én gumdà Dwata mukum gito di kdatahito.

Galasya 2:9

Na Dyém, Fiter, na Dyan, i manla dad ulu i dademe déén, dnilèla dek agu Dwata mimò i nimò ani, taman dnawatla gami Barnabas i dademela di nimò Dwata. Sasatu i nawami gablà di nimòmi, dunan gami tamdò di lam i dad to ise Dyu, na ale tamdò di lam i dad to Dyu.

Galasya 3:4

I dad gnaguyu mdà di kafaglutyu ku Dyisas, landè nan kè gukmamuyu dun? Là fakay!

Galasya 6:3

Ku nun to man nawan mdatah kenen, bay di kaglutan ise kenen mdatah, fangawan i kton.

Ifisus 4:29

Nang gamu talù sasè, bay én alò manyu i too gamtabeng i kafaglut i demeyu to nun klidù, du fye nun gukmamula dun na nun gufyela.

Ifisus 5:4

Na nang ku talù dad magagyà talù, na dad talù landè gukel, na i klalat di sasè, du ani là gablà nimò i dad to Dwata. Kabay én gablà nimoito, mlé fye di kenen.

Kolosas 4:6

Na di kdee manyu di dad to là faglut, tooyu fanse i kastulenyu, du fye i ktalùyu gamlé ayè di dad to mlinge dun, du fye gtimelyu balù simto to smalek gablà di kafaglutyu.

Dyém 1:19

Dad flanekgu kanbonggu nawa, fandamyu ani. Fye i kdee to mlal flinge Tnalù Dwata, nang flal talù, na nang flumak flabè,

Dyém 1:22

Nang gamu alò flinge Tnaluan na là mimen dun, du ku én nimòyu fangawyu ktoyu. Tooyu nimen,

Dyém 2:20

E, là gamu fulung faldam. Kayèyu kè ku fitegu di gamu, landè gukmamu i kafaglut i satu to ku là gagin i fye nimoan?

1 Fiter 3:10

du gman di Tnalù Dwata, “Mayè gamu kè ku nun fye knèyu na ku mlawil gamu? Mayè gamu kè ku nun klehewyu? Ani kibòyu, too fgeye du fye là gamu talù sasè, na nang gamu tmulen kéng.