Dyan 9:34 - Blaan Sarangani

³⁴ Na manla di kenen, “Tdoam gami kè? Blaam tagnè ge to too gamsalà mdà di ksutam!” Taman falwàla kenen di gusatdòla.

Dyan 9:34 ပူးပေါင်းရင်းမြစ်များ

Dyénésis 19:9

Kabay balingla man ku Lat, “Nang ge déén, nang ge mlabet di fanmi nimò. Simto ge kè? Mnè ge dini, bay ise ge to mdà di banwe ani. Na ge baling i tamdò gami, ku tan i fakaymi nimò? Nangam banlabal i nimòmi, du fye là baling too sasè fa gaslokam di nimòmi di dale.” Na tuladla Lat, na fdadong ale di takab, du fanla lanbà.

Salmo 51:5

Too glut agu satu to gamsalà fandà fa di làgu fa sut.

Éksodus 2:14

Man i to ani di ku Mosis, “Simto ge kè, landè labetam mdek na mukum gami. Fanam agu fnati salngad kfatim i to di Idyif malfabi?” Di kgadè Mosis nun dad to gmadè i mgimoan too kenen likò.

Dad Fngewe 22:10

Falwaam i to gal madoy, du fye matlag i ksamuk, na matlag i kaswè talù na kasablé salà.

Dad Fngewe 26:12

Fye fa i to là fulung faldam, di to i man nawan kenen too fulung.

Dad Fngewe 29:1

Ku tadee dulê nngak i satu to, bay knean mgal fa i ulun, én sa gamgebe kenen di kalmo i landè gugalwaan.

I Fye Tulen gablà ku Dyisas Krayst i Sulat Luk 11:45

Na nun satu to gal mubad dad flalò Dwata tmimel ku Dyisas, manan, “To Tamdò, di manam én, gakuf gami di dad to fyaam!”

I Fye Tulen gablà ku Dyisas Krayst i Sulat Luk 14:11

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 18:17

Tulengu gamu i kaglutan, ku i ksalig i satu to là salngad di dad ngà ani, là kenen gakuf di kagot Dwata.”

I Fye Tulen gablà ku Dyisas Krayst i Sulat Luk 6:22

Nun kafyeyu, gamu dad togu ku knang gamu nawa i dad to, na ku fbayàla gamu na sansilola, na ku manla sasè gamu du mdà di ksasatuyu di deg, i dnagit Tingà To.

Dyan 6:37

I kdee dad to blé Màgu di deg salu ale di deg. Na balù simto i salu di deg làgu kenen fnang.

Dyan 8:41

I nimòyu ani salngad sa i nimò màyu.” Na manla, “Ise gami dad ngà magu dungan, du satu alò màmi, dunan Dwata.”

Dyan 9:2

Na smalek i dad gal mlalò kenen, manla, “To Tamdò, kan ku butè to ani mdà di ksutan? Simto gamsalà, kenen ku demen dad tuan?”

Dyan 9:22

Én man i dad tuan, du likò ale i dad ganlal i dad Dyu, du satu nawala di kmanla na ku simto mangman na Dyisas i Mgalék Dwata, làla kenen faloh fusuk di gal gusatdò.

Dyan 9:35

Linge Dyisas na tafalwàla i to fanguléan mdà di gusatdòla. Na di kiten dun snalekan kenen, manan, “Faglut ge di Tingà To?”

Dyan 9:40

Na nun dad Farisi magin kenen déén mlinge i manan, na manla, “Kayeam man gami butè?”

Galasya 2:15

“Na mdà di ksutmi Dyu gami, na là gami gambet i dad to ise Dyu mlafà i flalò Dwata.

Ifisus 2:3

Na salngad i kneito di muna, du nimenito i sasè knayè i lawehito na fandamito. Na du én sa i kagkahito, gakuf ito di kaflabè Dwata.

1 Fiter 5:5

Na gamu fa dad lamnok lagi, nimenyu dad tua di gamu. Na kdeeyu fdanàyu ktoyu di dad demeyu na stabeng gamu, du gman di Tnalù Dwata, “I dad to fdatah i ktola, knang Dwata, bay blén kafye di dad to fdanà i ktola.”

3 Dyan 1:10

Taman di klauygu gamu kadang, tulengu gamu i kdee nimoan, na gablà di sasè manan gablà di gami, na i dad kakakéng tulenan. Là alò ani, bay di ksalu i dademe dad faglut déén laan ale dnawat. Na ku nun beg mayè dmawat dale balingan ale fnang, na kayean falwà ale di kastifunyu.

3 Dyan 1:9

Na di muna fa, smulat agu ditù di gamu dad faglut, bay Dyutrifis laan mayè flinge i gmangu, du laan nafè i glalgu mebe gamu. Én kayean ku alò kenen mebe gamu.

Tafite 13:17

du fye landè to gambayad na gamfabli silang ku nun ilean. Na i ilè fkah di dad to, dunan i dagit i muna bong kanlikò, ku demen numiru i dagitan.