Dyan 7:37 - Blaan Sarangani

³⁷ Too mabtas di dad Dyu i sangal duh i fistala. Na di kakel i duh én, tadag Dyisas, na falbongan taluan, na manan fagu di fléd, manan, “Kdee dad to malinum salu gamu di deg, na minum gamu,

Dyan 7:37 ပူးပေါင်းရင်းမြစ်များ

Salmo 42:2

Gambet too agu malau ge i too mto Dwata. Kilen kè lêman i kafdadonggu di ge du mangamfù agu?

Salmo 63:1

E Dwata, ge i Dwatagu, na too sè klidùgu ge; i klidù nawagu ani, gambet too agu malau. Fanngabalta ge gambet i to mngabal yéél ninum di banwe too kafag na sasè tanà i landè yéél.

Dad Fngewe 1:20

I kfulung faldam flingen di satu to gal tamlo, na tamlo kenen di dalan di gunun dad to, na di fadyan du kayean ku lingela i tdoan.

Dad Fngewe 8:1

Flinge gamu, du i kfulung na i kaglabat flingengu di satu to tamlo, na falbongan i katlon.

Dad Fngewe 8:17

Kandogu i dad kamdo deg, na dad to mngabal deg, teenla agu.

Dad Fngewe 8:3

di gufusuk i banwe, falbongan taluan, manan,

Dad Fngewe 9:3

Na dekan i dad saligan libun ditù di gunun dee to, du nlakla i dad to.

Matyu 11:28

“I kdeeyu mlungay mdà di blat nebeyu salu gamu di deg na banléta gamu kaftud.

Matyu 3:3

Na Dyan ani i santulen Dwata fagu di tugadan Isaya di muna fa, manan, “Nun to tamlo di banwe landè to mnè déén, manan, ‘Fatlagadyu i dalan i Amu, na tanluyu i gumagun.’ ”

Matyu 5:6

Nun kafye i dad to bitil na malinum i katlu Dwata, du fabsolan ale kadang.

Dyan 1:23

Na tmimel Dyan fagu di dad talù i tugad Dwata Isaya, manan, “Deg sa i to tamlo di banwe landè to mnè déén, manan, ‘Tanluyu i dalan gumagu i Amu.’ ”

Dyan 14:6

Na man Dyisas di kenen, “Agu i dalan salu ditù, na agu i gumdà i kaglut na falami nawa. Landè to fakay salu di Mà ku laan funa magu di deg.

Dyan 4:10

Na tmimel Dyisas, manan, “Ku aloam gadè ku i tan kayè Dwata blé di ge, na ku simto mni di ge yéél ani, tamni ge moon di deg yéél, na tablégu di ge yéél i mlé falami nawa.”

Dyan 4:11

Na man i libun, “Kabay landè syulam, na i sol yéél ani too mngalam. Nè gumweam i yéél mlé falami nawa?

Dyan 4:14

Kabay i dad to minum i yéél blégu dale là ale lêman malinum, du i yéél blégu di dale mgimò sfuten di lam nawala, na mlé nawa landè sen.”

Dyan 5:40

Kabay knean là gamu mayè faglut di deg du fye moon gfunyu nawa landè sen.

Dyan 6:35

Na man Dyisas di dale, “Agu sa i knaan mlé nawa, na ku simto salu di deg laan lêman bitil, na ku simto faglut di deg laan lêman malinum.

Dyan 6:37

I kdee dad to blé Màgu di deg salu ale di deg. Na balù simto i salu di deg làgu kenen fnang.

Dyan 6:55

du i lawehgu too glut knaan na i litègu too glut ninum.

Dyan 7:28

Taman di katdò Dyisas di Bong Gumnè Dwata falbongan i taluan, manan, “Man nawayu dilèyu agu, na gadèyu kè i gumdàgu? Kabay i ksalugu dini ise mdà di deg knayè, bay nun sa mdek deg, na too glut kenen. Kabay làyu kenen gadè.

1 Korintu 10:21

Na gito dad faglut, ku too ito mlalò ku Dyisas na gakuf ito di kinum na di kakaan di duh kafaldamito i kfati Dyisas, là fakay ku gakuf ito di dad to là faglut, di kinumla na di kakaanla i dsù di dad busaw, du ku gakuf ito salngad ku gagin ito di kfangamfù di dale.

1 Korintu 10:4

Na minum ale yéél fatbul Dwata mdà di bong batu. Du i batu ani i satu ilè samnagin Krayst dale.

1 Korintu 11:25

Kafngela kmaan, salngad i nimò Dyisas di ninum, nwean i tabù fnò ninum, na manan, “I ninum ani ilè too dnohò Dwata i kablén i falami dalan salu di kenen fagu di litègu fafalohgu duenan du gamu. Hae, du i kfatigu gamdohò i kafalwà i fakang Dwata di dad to. Na mdà ani, galyu ninum gambet ani, du ani kibòyu faldam kdee nimògu duenan du gamu.”

1 Korintu 12:13

du i kdeeito dad faglut, balù to Dyu ku demen ise to Dyu, balù lifan, ku demen ise lifan, kdeeito tabnunyag di satu Tulus, du fye mgimò ito satu laweh, na fnè kenen di lam i nawaito.

Ifisus 5:18

Na nang gamu flangal, du én sa gafalmo gamu, bay balingyu too fafnò Tulus Dwata i nawayu, du fye kenen alò mebe gamu.

Tafite 21:6

Na ani fa manan, “I kdee tagdohò nan. Agu gutambù i kdee na agu alò fakay mnge i kdee, agu tagnè mdà di kagatbuan kel ani, na kel di atuan landè gusengu. Na banlégu yéél dad to malinum, dunan i yéél mlé nawa landè sen na làgu fbayad dale.

Tafite 22:1

Kafnge én, lêman nun fite kasaligan Dwata di deg, i satu yéél gamlé nawa landè sen di dad to. Too mtiu, na maloh mdà di gusudeng Dwata na i Tingà Bilibili.

Tafite 22:17

Na i Tulus Dwata na yaan i Tingà Bilibili, dunan dad to faglut di kenen, manla, “Salu gamu dini, gamu là faglut, na faglut gamu.” Na i kdee mlinge i mangu ani, fye ku manla, “Salu gamu dini, na faglut gamu.” Ku simto malinum, fye ku salu kenen dini, na balù simto mayè, fakay minum di yéél gamlé falami nawa, na landè bayadan dun.