Dad Nimò 1:9 - Blaan Sarangani

⁹ Na kafngen mangman ani, magket kenen, na slengla meye lana kenen di matala du maglidung kenen i labun.

Dad Nimò 1:9 ပူးပေါင်းရင်းမြစ်များ

Éksodus 19:9

Na lêman talù Dwata i Amu di ku Mosis, manan, “Kadang salu agu di ge, fagu di too mgat labun, du fye mlinge i dad to dagu stulen di ge, du fye toola ge fnaglut na nimen i galam man dale.” Kafnge én, tulen Mosis di Dwata i Amu i gman i dad to.

Éksodus 34:5

Na mdà di langit, fdanà Dwata i Amu maglimun i labun, na tadag di saféd Mosis, na fgadean kenen, kenen Dwata i Amu.

Mark 16:19

Na i Amuito Dyisas, kafnge i manan dale ani, magket kenen di langit, na sudeng kenen gsen di kwanan Dwata.

I Fye Tulen gablà ku Dyisas Krayst i Sulat Luk 21:27

Kafnge én, teenla agu, i dnagit Tingà To, di lam i labun di ksalugu dini magin i bong eneg na kneng mdà di kdatahgu.

Dyan 6:62

Ku én fandamyu, tan i fandamyu ku teenyu agu, i dnagit Tingà To, magket samfulê di gumdàgu di langit?

Dad Nimò 1:11

Na man i dad to én di dale, manla, “Gamu dad to mdà di banwe Galili, tan kè duenyu tadag dini na lngalà di langit? Dyisas ani tamagket di langit mdà di gamu, na én sa knè i kasfuléan dini kadang di fulé duh.” Én man dad kasaligan.

Dad Nimò 1:2

kel di duh kagketan samfulê ditù di langit. Na silang magket di takafngen mngewe fagu di Mtiu Tulus i dad galan dek, dunan i dad tamgalékan.

1 Tésalonika 4:17

Kafnge én, gito dad mto fa di bang én, nketan ito ditù di dad labun di langit salngan i dademe to tamati, du smitong ito Amuito Dyisas déén di langit, na mnè ito di safédan kel di landè sen.

1 Timoti 3:16

Too glut, landè fakay fkéng ku tan kdatah i kaglut tafgadè Dwata di gito dunan: Dyisas fbaling kenen to, tafite i Tulus Dwata glut kenen too tlu, teen kenen i dad kasaligan Dwata, nun tamdò gablà di kenen di dad to di dad banwe, nun faglut di kenen di tah tanà ani, na nket kenen ditù di banwe Dwata di langit.

Tafite 1:7

Neyeyu! Samfulê kenen kadang satu duh gagin i dad labun, na kdee dad to kadang mite kenen, balù i dad to mati kenen di muna fa mite kenen, na i kdee sahal lumbuk i dad to mlanu kadang, du kenen kadang mukum na mlayam dale. Too sa gdohò ani. Amén.

Tafite 11:12

Na di taktola, lingela i bong talù mdà di langit, na manan di dale, “Salu gamu dini.” Na di keye i dad to dmuen dale, magket ale salu di langit magin di labun.

Tafite 14:4

Na i kdee dad to ani mlaneb, na landè fakay mlé dale salà di muna i Amula Dwata. Na samnagin ale i Tingà Bilibili balù tanè gusalun. Tansoan ale mdà di dademe dad to, du salngad ale i muna kantu gablà blé di Dwata na di Tingà Bilibili.