Dad Fngewe 8:15 - Blaan Sarangani

¹⁵ Mdà di deg i dad harì gmagan mebe i dad tola, na i dademe dad ulu fulung ale mimò i dad matlu urdin.

Dad Fngewe 8:15 ပူးပေါင်းရင်းမြစ်များ

Salmo 2:10

Taman too gamu fgeye, gamu dad harì di tah tanà, ken falmo gamu i harì mgalék Dwata; fafulung gamu dad ulu di dad banwe.

Dad Fngewe 29:4

Ku too fkah i harì di nawan i matlu kukum, too nun ktanak di banwen, bay ku alò én fandaman i filak, toon falmo i banwen.

Dad Fngewe 8:16

Landè ulu di tah tanà ani fulung mebe i dad to di fye, ku ise agu tmabeng dale.

Matyu 28:18

Na fdadong Dyisas di dale, na manan, “Tagablé di deg i kdee glal di tah langit na di tah tanà.

Roma 13:1

Na kdeeito mimen i dad ganlal i gubirnu. Du landè to mebe i banwe ku là faloh Dwata, na landè là kagdà di kenen i mlé kenen glal.

Tafite 19:11

Na kafnge én, teengu i langit malwa, na déén di munagu nun bukay kudà na i dagit i to smakay i kudà ani, dunan Gsalig na Glut, na too matlu i kukuman na keben i kasfati.

Tafite 19:16

Na nun dagit gsulat di klawehan na di fuadan, manan, “Harì di kdee harì na Amu di kdee amu.”