Dad Fngewe 7:7 - Blaan Sarangani

⁷ Na teengu dee sawang lagi na kulang kfulungla, bay teengu satu di dale i landè kaglabatan.

Dad Fngewe 7:7 ပူးပေါင်းရင်းမြစ်များ

Salmo 119:130

I kafbel i dad tnaluam, lamwa fandam i dad to, na mlé kaglabat balù di dad to landè gnadè.

Salmo 19:7

I dad flalò i Amuito Dwata too sikof, na too gatgal nawa i dad to. I gman Amuito Dwata too gsalig, na gamlé kfulung faldam balù di dad to landè gnadè.

Dad Fngewe 1:22

na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Dad Fngewe 1:32

Du i dad to kulang kfulung, mlal ale mati, du là ale mayè fulung faldam, na i dad là fulung faldam, du làla knabas i kfulung, gamdawat ale kadang i kalmola.

Dad Fngewe 1:4

du fye i dad to kulang i kfulung faldam là ale gasyat, gmadè na fulung i dad lamnok mebe i ktola di fye,

Dad Fngewe 10:13

Fagu di talù i to nun kaglabat, dnileam i kfulungan, bay i to landè kaglabatan, fye ku fanlayam kenen.

Dad Fngewe 12:11

I to too malgad mimò fule nun lukas i knaanan, bay i to mlalò i dad nimò landè gukmamu, landè kaglabatan.

Dad Fngewe 14:15

I to kulang i kfulungan faldam, fnaglutan balù tan i lingen, bay i to fulung mebe i kton, toon fanlinge ku nun kaglutan.

Dad Fngewe 14:18

I dad to kulang i kfulungla faldam, gamdawat i balas di klandè kfulungla, bay i dad to fulung mebe i ktola, matnù i gnadèla.

Dad Fngewe 19:2

Là sa fye ku nun nimoam na laam gadè dun, demen ku fnaflalam mimò na baling ge gsalà.

Dad Fngewe 19:25

Là fakay ku là fanlayam i to madoy, du fye matdò i to kulang i kfulungan faldam, fye fulung kenen mebe i kton, bay i to nun kaglabat, balù alò nngak, matnù i kaglabatan.

Dad Fngewe 22:3

I to fulung mebe i kton, tagadean i samuk fan kel, taman funan niwas, bay i to kulang i kfulungan faldam, laan niwas i samuk, tatì fadlug kel di kagdawatan i flayam, bunge i nimoan.

Dad Fngewe 24:30

Glius agu di satu nligo nfun i to malwe mimò na là fulung faldam.

Dad Fngewe 27:12

I to fulung mebe i kton tagadean i samuk fan kel, taman funan niwas, bay i to kulang i kfulungan faldam laan niwas i samuk, tatì fadlug kel di kagdawatan i flayam bunge i nimoan.

Dad Fngewe 5:1

Tingàgu, nangam fbayà i dad gmangu di ge, bay fanlingem i kfulunggu na i kaglabatgu.

Dad Fngewe 6:20

Tingàgu, toom lalò i kafngewe maam, na nangam nlifet i tdò yéam.

Dad Fngewe 6:32

Kabay mahal i satu to mlafà i yaanan, landè sa kaglabatan, na toon falmo i kton.

Dad Fngewe 8:5

Gamu kulang i kfulung faldam, flinge gamu du fye fulung gamu faldam, du fye là gamu gasyat, na gamu là fulung faldam, flinge gamu du fye gamlabat gamu.

Dad Fngewe 9:16

na manan di dad to landè kaglabat, manan, “Gamu dad kulang kfulung, fusuk gamu.

Dad Fngewe 9:4

Na manla, “Na gamu dad kulang kfulung, salu gamu dini, na gamu landè kaglabat,

Matyu 15:16

Na man Dyisas, “Balù gamu, là gamu fa gamlabat?