Dad Fngewe 6:23 - Blaan Sarangani

²³ Du i kafngewe ani, salngad i saloam tmuyal i dalanam, na i kngakla, tamdò ge i kiboam mebe i ktom.

Dad Fngewe 6:23 ပူးပေါင်းရင်းမြစ်များ

Dyénésis 39:8

Kabay là mayè Dyosif, na tnimelan, manan, “Landè dademe fandam i amugu, du deg sa i lifanan. Na i kdee nfunan tagsaligan di deg.

Salmo 119:105

I tnaluam gambet i salò tmuyal i dalangu, du fiten di deg i fye dalan gumagugu.

Salmo 119:130

I kafbel i dad tnaluam, lamwa fandam i dad to, na mlé kaglabat balù di dad to landè gnadè.

Salmo 19:8

I dad tdò i Amuito Dwata too matlu, na kdee mimen dun too nun klehewla. I dad dekan di dad to too mbangal, na lamwa fandam i dad to mimen dun.

Dad Fngewe 10:17

I to flinge ku nun mngak kenen, én i to mlawil, bay i to là dmawat i kagsalaan, nun sasè gdawatan.

Dad Fngewe 15:24

I to fulung faldam, mlalò i dalan salu di nawa landè sen, là mlalò i dalan salu di fati.

Dad Fngewe 15:31

Ku flinge i satu to i kngak kenen, mbaling kenen satu di dad to fulung faldam.

Dad Fngewe 29:15

Nun gufye i dad ngà ku tdò na fanlayam ale di gugsalàla, bay i dad ngà tatì fbayà di gugsalàla fyàla kadang i yêla.

Dad Fngewe 3:18

I to mbaling fulung nun gufyen, na mlawil kenen.

Dad Fngewe 4:13

Galam fandam i tdògu di ge, busekam di nawam, du ani sa mlé ge klawil.

Dad Fngewe 4:4

màgu tamdò deg, na galan man di deg manan, “Toom fkah di nawam i mangu ge, na laloam i tdògu ge, du ku ani nimoam mlawil ge.

Dad Fngewe 5:12

Na msal gamu kadang manyu, “Fye moon di muna fa, ku fanlingegu i tdò deg, na ku fanlingegu moon i kngak deg.

2 Fiter 1:19

Taman matnù kgadèmi i kaglut i gman dad tugad Dwata di muna fa, na fye ku tooyu fkah di nawayu i gmanla, du i gmanla gambet salò gamtuyal dini di too gukmifun kel flafus na msut i blatik smitong i lwa, na too magtuyal di lam nawayu.

Tafite 2:5

Fandamyu i muna kakdoyu deg, na nsalyu i gukulangyu, na samfulê gamu di muna nimòyu. Du ku là gamu msal tatì agu salu ditù di gamu na nwègu di gamu i gufkah i salòyu.