Dad Fngewe 6:17 - Blaan Sarangani

¹⁷ i kafdatah, i ktulen kéng, i kbanò dad to landè salà,

Dad Fngewe 6:17 ပူးပေါင်းရင်းမြစ်များ

Salmo 10:4

I to sasè, mdà di kafdatahan, laan fduf Dwata, na di fandaman landè Dwata gutmimelan.

Salmo 5:6

I dad to gal tmulen kéng falmom; toom knang nawa i to mayè mati to na i to mlimbung.

Salmo 5:7

Kabay agu, fakay agu fusuk di gumneam du mdà di bong kakdom landè kgilin. Déén di gumangamfù di ge, di Bong Gumneam, fdanàgu i ktogu di ge gagin i klikògu.

Dad Fngewe 1:16

du too ale mlal mimò sasè, na mlal ale manò.

Dad Fngewe 12:22

Too knang Dwata i dad to tmulen kakakéng, bay toon kanlehew i dad to tmulen i kaglut na dmohò i manla.

Dad Fngewe 14:5

I to gsalig tmulen di gususay too tmulen i kaglut, bay i to là gsalig alò tmulen kakakéng.

Dad Fngewe 16:5

Too knang Dwata i kdee dad to fdatah, na i kaglutan, toon ale fanlayam.

Dad Fngewe 17:7

I kafye talù là blà di to là fulung faldam, lumban i ktulen kéng là fakay blà i ulu di dad to.

Dad Fngewe 21:4

I dad to sasè, én mebe dale i kafdatahla na i kafdagla, na ani i gafsalà dale.

Dad Fngewe 26:28

I to tmulen kéng di demen to, du knangan nawa, én i gafatduk nawa i demen to, na i to too dmayen i demen to fagu di dee fye manan bay kadì là mdà di nawan, gafalmo kenen.

Dad Fngewe 28:17

I to manò i demen to, too msamuk i nawan, na tatì mimò i kalmon, na tatiam kenen faloh.

Dad Fngewe 30:13

Nun dad to fandamla too ale mdatah, na taman toola fdatah i ktola.

Dad Fngewe 6:16

Nun nam too knang nawa Dwata, fitu kadì i knang nawan, na ani dunan,

Dyan 8:44

I màyu dunan Satanas, na i knayèyu nimò dunan i knayè i màyu. Tagnè kenen manò mdà fa di kagatbuan, na laan nsen i kaglut du landè sa kaglut mnè di kenen. Di ktulenan kéng, én duenan du takenen kagkah. Tagnè kenen gal tmulen kéng, na kenen gumdà i kdee kakakéng.

1 Fiter 5:5

Na gamu fa dad lamnok lagi, nimenyu dad tua di gamu. Na kdeeyu fdanàyu ktoyu di dad demeyu na stabeng gamu, du gman di Tnalù Dwata, “I dad to fdatah i ktola, knang Dwata, bay blén kafye di dad to fdanà i ktola.”

Tafite 22:15

Kabay di lwà i dad to mimò magagyà nimò, i dad to stulen di dad sasè tulus na mimò dad gamtikeng fagu di dale, i dad to mimen i sasè knayè i lawehla, i dad to manò, i dad to gal mangamfù di ku Satanas i busaw, na i dad to too mayè tmulen kéng. Kdee dad to ani là ale fakay gfusuk di syudad Dwata.”