Dad Fngewe 5:12 - Blaan Sarangani

¹² Na msal gamu kadang manyu, “Fye moon di muna fa, ku fanlingegu i tdò deg, na ku fanlingegu moon i kngak deg.

Dad Fngewe 5:12 ပူးပေါင်းရင်းမြစ်များ

Dyénésis 19:9

Kabay balingla man ku Lat, “Nang ge déén, nang ge mlabet di fanmi nimò. Simto ge kè? Mnè ge dini, bay ise ge to mdà di banwe ani. Na ge baling i tamdò gami, ku tan i fakaymi nimò? Nangam banlabal i nimòmi, du fye là baling too sasè fa gaslokam di nimòmi di dale.” Na tuladla Lat, na fdadong ale di takab, du fanla lanbà.

Dad Fngewe 1:22

na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Dad Fngewe 1:25

na fbayàyu i kafngewegu gamu, na làyu dnawat i kngakgu gamu,

Dad Fngewe 1:7

Silang ge mbaling to nun gnadè, ku funa nun klikoam di Dwata. I dad to là fulung faldam knangla kfulung, na là ale mayè ku nun tamdò dale.

Dad Fngewe 10:17

I to flinge ku nun mngak kenen, én i to mlawil, bay i to là dmawat i kagsalaan, nun sasè gdawatan.

Dad Fngewe 12:1

I to mayè flinge i kngak kenen di gugsalaan maye gmadè, bay i to là mayè flinge i kngak kenen di gugsalaan laan fulung faldam.

Dad Fngewe 13:18

I to là mayè flinge i fngewe kenen, kalima na kyà i mkel di kenen, bay i to flinge i kngak kenen, nafè i dad to.

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Dad Fngewe 5:11

Na di fan kafto i nawayu kadang, mlanu gamu mdà di kalmo i lawehyu.

Dad Fngewe 6:23

Du i kafngewe ani, salngad i saloam tmuyal i dalanam, na i kngakla, tamdò ge i kiboam mebe i ktom.

Dad Fngewe 8:36

I to là mite deg fanlayaman i kton, na i to mnang deg, bong nawan i fati.” Kdee ani gine gman kfulung.