Dad Fngewe 31:31 - Blaan Sarangani

³¹ Blé di libun ani i untung di kdee fye nimoan, na mdà di fye nimoan, dnayen kenen kdee dad to.

Dad Fngewe 31:31 ပူးပေါင်းရင်းမြစ်များ

Dad Fngewe 11:30

I bunge i nimò i to matlu, én gamlawil i demen to, bay i klabè, én gafalmo dun.

Dad Fngewe 31:16

Salu kenen di satu tanà du neyen, na bnayadan, na fagu di filak gwean mdà di nimoan, bayadan bnê du fanlan i tanà én.

Dad Fngewe 31:30

I fye kalyak i libun slaan là glut, na i kafye bawehan mlal lana, bay i libun too nun klikò di Dwata too magdayen.

Matyu 7:16

Én gudmilèyu ku fye ale di ulê nimòla, salngad di dad munge dilè di bungela. I walad banal là munge i bunge grép, na i samfinit là munge i bunge fig.

Matyu 7:20

Taman én gudmilèyu i dad ise glut tugad Dwata fagu di dad sasè nimòla.

Dad Nimò 9:39

Na di kaklinge Fiter i manla, tagasil kenen mdà magin di dale. Na di kakelan ditù fyakla kenen di sibay di tah. Na mngel i kdee dad libun balu tadag di safédan, na fitela kenen i dad klawehla tanbél Dorkas di laan fa mati.

Roma 16:12

Tnulenyu Trifina na Trifosa, i dad libun too fgal mimò i nimò Amuito Dyisas Krayst, fandamgu ale. Tnulenyu Firsis, i satu demegu sgalak toogu kando, fandamgu kenen. Kenen i satu libun too fgal mimò i nimò Amuito Dyisas Krayst.

Roma 16:6

Tnulenyu Méri, i too fgal tmabeng gamu, fandamgu kenen.

Filifos 4:17

Ise alò i bléyu i kayègu, bay i too mabtas di deg ku tananù Dwata i untung blén di gamu kadang satu duh, mdà di kafyeyu deg.

1 Timoti 5:25

Na salngad én i dad fye nimò. Nun fye nimò too mbangal ani di mata i dad to, na nun dademe fye nimò i là fa teen, bay knean teen sa kadang satu duh.

Hibru 6:10

Na Dwata too matlu, na taman toogu fnaglut na laan glifet i kdee fye mgimòyu, na i kalbong nawayu kenen fagu di tooyu ktabeng i dad demeyu faglut mdà fa di muna na kel i ani.

Tafite 14:13

Kafnge én, lingegu i talù mdà di langit, manan, “Sulatam ani. Tambù di duh ani, too nun kafye i dad to mati mdà di ksasatula di Amula Dyisas.” Na talù i Tulus Dwata, manan, “Too glut ani. Too nun kafye, du gaftud ale di dad nimòla, na gamdawat ale kadang i untung mdà di dad fye nimòla.”