Dad Fngewe 28:5 - Blaan Sarangani

⁵ I dad to sasè, là ale gamlabat i katlu nimò di dademe to, bay i dad to mayè gmadè knayè Dwata too ale gamlabat.

Dad Fngewe 28:5 ပူးပေါင်းရင်းမြစ်များ

Salmo 119:100

Bong fa i kaglabatgu di kaglabat i dad tua, du nimengu i dad tdoam.

Salmo 119:98

Gal mnè di fandamgu i dad dekam gami; na én gumdàgu too fulung, mdatah fa di dad dmuen deg.

Dad Fngewe 15:24

I to fulung faldam, mlalò i dalan salu di nawa landè sen, là mlalò i dalan salu di fati.

Dad Fngewe 2:9

Na ku alò ge flinge deg, glabatam kadang ku tan i fye, na di kdee nimoam di demem to too matlu.

Dad Fngewe 24:7

I mngalam talù i to fulung faldam là glabat i to là fulung faldam, taman ku nun kastulen too mngalam, landè timelan du laan glabat.

Dyan 7:17

Nè i to mayè mlalò i knayè Dwata gmadè sa ku i tdògu mdà di Dwata ku demen mdà alò di deg fandam,

Dyém 1:5

Kabay ku nun di gamu kulang i kfulungan faldam, fye ku mni kenen kfulung mdà di Dwata, du too kenen mlé, du too mayè Dwata mlé kfulung di kdee dad to mni di kenen.

1 Dyan 2:20

Kabay gamu mahal, du kdeeyu gmadè i kaglut gablà ku Krayst, du tagablén di gamu Tulusan.

1 Dyan 2:27

Kabay gamu, du mnè i Tulus Dwata di gamu, balù landè tamdò gamu, du tagadèyu i kaglut. Na i tdoan gamu slame glut ise ku kakakéng. Taman du tdoan gamu i kaglut too gamu fadlug di ksasatuyu di ku Krayst.