25 I to lom too gal smamuk, bay i to smalig di Dwata nun gufyen.
E Amugu Dwata, gumdatah i kdee di tah langit na tanà, too nun kafye i to smalig di ge.
I gukel i kasnang nawa, dunan samuk, bay gukel i kakdo, dunan klifet i kdee salà.
Là faloh Dwata ku malnus i dad to matlu, na laan faloh ku gwè i dad to sasè i sasè kniballa.
Nun gufye di to too mlé, du ku tnabengan i dad demen to na lêla kenen tnabeng.
I to fdatah i kton, landè dademe gukelan ku là samuk, bay i to flinge i fngewe, kenen fulung faldam.
I to là mayè mimò, too dee knibalan, bay landè kiboan gamwè dun, bay i to too mayè mimò, gamwè balù tan i knayean.
I to mlal malbut kenen gumdà i ksugak, bay i to là mlal malbut fakay smafye i dad to sugak.
I to mlimbung fakufan sa i malayan di ksamuk, bay i to là dmawat i blé du fye msen di sasè, mlawil kenen.
Ku lehew i satu to, ge baling too lehew, na i fye tulen too gafgulê ge.
I to fdatah na fdag i kton, nadoyan i demen to, na taalì i kafdagan.
Falwaam i to gal madoy, du fye matlag i ksamuk, na matlag i kaswè talù na kasablé salà.
I to labè gal smamuk, na i to mlal malbut gal gamsalà.
Sasè ku fsamukam i nawam gablà di fandam i dad to sasè bay ku baling ge smalig di Dwata, kanlungan ge.
Na too glut sa, i kafaglut di Dwata gamlé i to bong knun, silang ku alò fnò i nawan balù tan i gununan.