Dad Fngewe 28:20 - Blaan Sarangani

²⁰ I to gsalig nun gufyen, bay i to mayè mlal nun knunan fagu di klimbung, fanlayam kenen.

Dad Fngewe 28:20 ပူးပေါင်းရင်းမြစ်များ

Dad Fngewe 10:6

I to matlu, nun kafye gdawatan, na i to sasè, gbunin i klabean fagu di kfulungan talù.

Dad Fngewe 13:11

I knun gwè mdà di mlal kfagu, too mlal sa lana, bay i knun gwè fagu di tu, too lamnok.

Dad Fngewe 17:5

I to madoy i dad to landè, salngad nadoyan Dwata i mimò dale, na i to lehew di sasè gaslok i demen to, nun kaflayaman.

Dad Fngewe 19:2

Là sa fye ku nun nimoam na laam gadè dun, demen ku fnaflalam mimò na baling ge gsalà.

Dad Fngewe 20:21

I knun tatì gtagak di ge na gwè fagu di sasè kfagu, landè fye gweam déén kel di atuan.

Dad Fngewe 20:6

Dee dad to dagla i ktola, ale kun too kamdo na too gsalig, bay i kaglutan, too malima mite i to too glut gsalig.

Dad Fngewe 23:4

Fandamam funa, na nangam faflungay i ktom mngabal i bong knunam,

Dad Fngewe 28:22

I to mademet too mayè ku mlal nun knunan, bay laan twan kakel i klandean.

Matyu 24:45

Na man Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

Matyu 25:21

“Na man i amun di kenen, ‘Too fye i nimoam! Too ge fye na gsalig. Too ge gsalig di tukay fagotgu ge, taman ani, fagotgu ge i bong. Fusuk ge dini, na fakuf ge di klehewgu.’

I Fye Tulen gablà ku Dyisas Krayst i Sulat Luk 12:42

Na man i Amuito Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

I Fye Tulen gablà ku Dyisas Krayst i Sulat Luk 16:1

Na lêman nun tulen Dyisas satu fléd di dad to mlalò kenen, manan, “Nun satu to too bong knunan, na nun saligan gufagotan dun. Na di satu duh, nun lingen na tabaling falmo saligan i knunan.

Tafite 2:10

Nang gamu likò i dad kaflayam fan kel di gamu. Fanlingeyu agu. Ani nimò Satanas, fbilangguan i dademe di gamu, du tnilewan i kafaglutyu sfalò butang klon. Ani mangu di gamu, nangyu tnagak i kafaglutyu balù fnatila gamu. Du ku làyu tnagak i kafaglutyu di deg, balù kel di fati, banléta gamu nawa landè sen.

Tafite 2:13

Na ani sa i manan gamu. Gadègu gablà di banwe gumnèyu, du nagot Satanas banweyu. Kabay knean, too mabtas di gamu i klalòyu deg na làyu tnagak i kafaglutyu balù di kfatila ku Antifas di blengyu. Too gsalig Antifas tmulen gablà di deg.