Dad Fngewe 28:15 - Blaan Sarangani

¹⁵ I ukum i dad bong labè lmanaf liyun na béar ku bitil, salngad i ukum i sasè ganlal magot i dad to landè du slame ale too kanlikò.

Dad Fngewe 28:15 ပူးပေါင်းရင်းမြစ်များ

Éksodus 1:13

Na baling lumban fa i kaflayamla dale di blat nimò.

Éksodus 1:22

Kafnge én, dek Faraon i dad kdee dad ton, manan, “Batyu ditù di yéél Nilu i kdee dad ngà lagi falami sut di dad Hibru, bay nangyu fakuf i dad ngà libun.” Én man i harì.

Dad Fngewe 17:12

Fye fa ku gamsitong ge i labè lmanaf béar tnaku i dad ngaan, di gamsitong ge i to là fulung faldam, di kimoan sasè i landè gukmamu.

Dad Fngewe 19:12

I kaflabè i harì gaflikò salngad i bong ngal i lmanaf liyun, bay i kakdon too fye salngad i ulen tatì sanfatan.

Dad Fngewe 20:2

I kaflabè i harì gamlikò, salngad i bong ngal i lmanaf liyun, na ku faflabeam kenen, salngad ku tafafatim i ktom.

Dad Fngewe 29:2

Ku matlu i to mebe i banwe, too lehew i dad to, bay ku sasè i to mebe i banwe, landè klehew i dad to, du too ale maflayam.

Matyu 2:16

Na di kaglabat Harì Hérod mafgaw kenen du mdà di nimò dad to fulung meye kagu dad blatik, too kenen flabè. Taman dekan i dad ton fnati kdee dad ngà lagi falami sut kel di lwe fali i ktuala mnè di banwe Bétléhém na di dademe banwe mdadong déén. Laloan i gman dad to fulung meye kagu dad blatik ku tan i klo mdà di ksut i blatik, du én gugmadean kalnawa tingà fafatin.

1 Fiter 5:8

Na tooyu dnan i ktoyu, na tooyu fangeye kdee nimòyu, du Satanas dmuen gamu, lamngab salngad i bong labè lmanaf liyun, du mngabal i to fakayan falmo.