Dad Fngewe 28:10 - Blaan Sarangani

¹⁰ I to fagsalà i satu to fye, kenen baling gamdawat i flayam, bay i to fye, gamdawat i kafye.

Dad Fngewe 28:10 ပူးပေါင်းရင်းမြစ်များ

Salmo 139:24

Neyem ku nun sasè dini di deg i gaflidù ge, na nalakam agu, Dwata, di dalanam landè gusenan.

Salmo 37:11

Kabay dad to nun kafdanà nawala i baling mfun kadang i banwe, na too nun klehewla na ktanak nawala di fye knèla ditù.

Salmo 9:15

I dad to là faglut di Dwata, salngad ale di dad to mtatek di mngalam sol nakolla du guftatekla i dad demela to; gambet mawel ale bay baling dale magfawel, du dale gumulê i kafsasèla i dad demela to.

Dad Fngewe 10:3

Là faloh Dwata ku malnus i dad to matlu, na laan faloh ku gwè i dad to sasè i sasè kniballa.

Dad Fngewe 15:6

I knun i to matlu là lana di kenen, bay i knun i to sasè tatì lana di kakel i kalima.

Dad Fngewe 2:21

Du i dad to matlu, ale sa gamdawat i kafye blé Dwata, na mlawil ale di tah tanà ani.

Dad Fngewe 21:20

Di gumnè i to fulung faldam nun mabtas kandeen na fye nem knaan, bay i to là fulung faldam, too mlal i kafalmon i kdee knunan.

Dad Fngewe 26:27

I to mawel i demen to baling kenen mfawel i fawelan, na i to flulid i bong batu di demen to baling di kenen gumlulidan.

Dad Fngewe 28:18

I to mimò i matlu nimò maklung kenen di sasè, bay i to là mimò i matlu nimò laan twan i kfugenan di ksasè.

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Galasya 2:4

bay nun di dale mayè ku ftulìla kenen. I dad to ani alò flingu faglut, na fusuk ale di kastifunmi, du neyela i kagalwà i tagdawatmi mdà di ksasatumi di ku Krayst Dyisas. Kayèla ku mbaling gami lêman magfasak di tagnè fnaglut i dad Dyu.

Hibru 6:12

Là gami mayè ku là gamu mayè mimen Dwata, bay kayèmi ku lalòyu moon i dad to gamdawat i kdee fakang Dwata di dale, du too ale gamtayud di kafaglutla di kenen.

1 Fiter 3:9

Ku nun to mimò sasè di gamu, nang gamu malas sasè. Na ku nun smilo gamu nangyu kenen snilo. Kabay én baling balasyu dale i kafye mdà di Dwata, du mgalék gamu Dwata, du fye banlén gamu kafye,

Tafite 2:14

Kabay nun làgu kayè di gamu, dunan nun di gamu mlalò i tdò Balaam. Balaam ani tamdò ku Balak di muna, na i tdoan kenen i kiboan fagsalà i dad to Israél fagu di kakaanla i dsù blé di dad ise glut dwata, na fagu di kimòla sasè knayè i lawehla.