Dad Fngewe 25:25 - Blaan Sarangani

²⁵ I fye tulen mdà di gumawag banwe too fye di nawam salngad i kafye nawa i to malinum di kinuman i yéél tno.

Dad Fngewe 25:25 ပူးပေါင်းရင်းမြစ်များ

Dyénésis 45:27

Kabay di ktulenla kenen i kdee gman Dyosif di dale, na di kiten i dee kaditon i feben kenen, du gusmakayan salu di Idyif, mulê i nawan na too kenen lehew.

Salmo 63:1

E Dwata, ge i Dwatagu, na too sè klidùgu ge; i klidù nawagu ani, gambet too agu malau. Fanngabalta ge gambet i to mngabal yéél ninum di banwe too kafag na sasè tanà i landè yéél.

Éksodus 17:6

du kadang, di kakelyu di bong batu di bulul Sinay, déén agu di munam. Di kakelyu ditù, bnunalam i batu i tugadam, na tambul i yéél mdà di batu, na yéél ani i guminum kadang i dad to.” Taman, nimò Mosis ani di mata i dad tua i dad bel Israél.

Dad Fngewe 15:30

Ku lehew i satu to, ge baling too lehew, na i fye tulen too gafgulê ge.

Dad Fngewe 25:26

Too makakdo i to matlu ku naginan i to sasè, salngad i to gal magu ku kel di sfuten na di gal gusmulu na slame malbal.

Dyan 7:37

Too mabtas di dad Dyu i sangal duh i fistala. Na di kakel i duh én, tadag Dyisas, na falbongan taluan, na manan fagu di fléd, manan, “Kdee dad to malinum salu gamu di deg, na minum gamu,

Roma 10:15

Na tan i kibò i dad to tamdò gablà ku Krayst ku landè mdek dale? Landè kibòla! Kabay tanun to dek Dwata, du gman di Tnaluan, manan, “Too nun klehew di kakel i dad to mbel i Fye Tulen.”

1 Timoti 1:15

Ani i glut tdò, i too gablà fnaglut i kdee dad to, dunan salu Krayst Dyisas dini di tah tanà, du falwaan i dad to gamsalà di kaflayam landè gusenan, na agu sa i too sasè di kdee to gamsalà.

Tafite 21:6

Na ani fa manan, “I kdee tagdohò nan. Agu gutambù i kdee na agu alò fakay mnge i kdee, agu tagnè mdà di kagatbuan kel ani, na kel di atuan landè gusengu. Na banlégu yéél dad to malinum, dunan i yéél mlé nawa landè sen na làgu fbayad dale.

Tafite 22:17

Na i Tulus Dwata na yaan i Tingà Bilibili, dunan dad to faglut di kenen, manla, “Salu gamu dini, gamu là faglut, na faglut gamu.” Na i kdee mlinge i mangu ani, fye ku manla, “Salu gamu dini, na faglut gamu.” Ku simto malinum, fye ku salu kenen dini, na balù simto mayè, fakay minum di yéél gamlé falami nawa, na landè bayadan dun.