Dad Fngewe 24:12 - Blaan Sarangani

¹² Kabay ku balingam man, “Landè gadègu, na landè labetgu di to atù,” bay gmadè Dwata ku tan i mnè di nawam, Du kenen too meye ge, taman gadean i kdee, na bnalasan ge di kdee dad nimoam.

Dad Fngewe 24:12 ပူးပေါင်းရင်းမြစ်များ

Salmo 121:3

Laan faloh ku nun gamsasè ge, du i mifat ge là sa kudang.

Salmo 121:8

Kenen i mifat ge balù nè gusalum, na balù nè gumneam, mdà ani kel di landè gusenan.

Salmo 7:9

Tanlagam moon i sasè nimò i dad to sasè, na tnabengam i dad to matlu di fye nimòla, du ge i Dwata too matlu, na ge i meye ku fye demen sasè i mnè di fandam na nawa i dad to.

Dad Fngewe 12:14

I to gamdawat i untung fagu di dad gmanan na i dad mgimoan.

Dad Fngewe 16:2

Kdee nimò i to fandaman too fye, bay Dwata i mukum i knayè nawa i to na i duenan mimò dun.

Dad Fngewe 21:2

Kdee nimò i satu to di fandaman too fye, bay Dwata mukum ku tan i knayè nawa i to na i duenan mimò dun.

Dad Fngewe 5:21

Du teen Dwata i kdee nimòyu, na balù nè i gusaluyu, teenan gamu.

Dad Fngewe 5:22

I dad salà i to sasè mbaling fawel, du i dad salaan, mawel kenen.

Matyu 16:27

Du là mlo i kasfulêgu, agu i dnagit Tingà To, magin i bong kdatah Màgu, na dad kasaliganan. Na di duh én bnalasgu i kdee tamgimò kat satu to.

Dad Nimò 17:28

‘Du mdà di kenen nun nawaito, magu ito, na mnè ito dini di tanà.’ Na glut i gman i dademeyu gal flalok, manla, ‘Gito sa dad ngà Dwata.’

Roma 2:16

Taman i Fye Tulen tdògu ani, too dnohò di Duh kukum Dwata i dad fandam buni i dad to, fagu di ku Dyisas Krayst.

Roma 2:6

Du blé Dwata di kat to i gasngad di mgimoan.

1 Korintu 4:5

Taman nang ito mukum i nimò i demeito to, bay fye fa ku fatanito i bang i kasfulê Amuito Dyisas Krayst, du kenen sa mukum kdee. Na fgadean i dad nimò gbuni i dad to, na i dad knayè i nawala. Na kafnge én, dnayen Dwata kat satu to gasngad di nimoan.

2 Korintu 5:10

Du nun duh kadang, kdeeito tadag di muna Dyisas Krayst di gumukuman, du dnawatito i ulê i nimoito di kneito di tah tanà, ku fye demen sasè.

Tafite 1:18

Deg sa mto. Balù tafnatila agu, bay neyem, talêman agu mto na landè gusen i nawagu. Na agu magot nawa i dad to, na nun bong glalgu magot i fati na Hadis i gumnè i dad layef i dad to tamati.

Tafite 2:18

Na ani man Dyisas di deg, “Ani sulatam di kasaligan Dwata mifat i dad to faglut di banwe Tiatira. Manam di dad to faglut, ‘Nun man i Tingà Dwata, dunan i to nun dad matan gamban gambet dinè i lifoh, na i dad blian mneng gambet kneng tabaga tnunal di luben.

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Tafite 22:12

Na man Dyisas, “Fanlingeyu agu. Tamdadong i kasfulêgu. Na nebegu i untung blégu di gamu, na blégu ani di kat satu to gasngad di dad mgimoan.