Dad Fngewe 21:21 - Blaan Sarangani

²¹ Ku kamdo ge i demem to na mimò ge i matlu nimò, mlawil ge, matlu ge, na nafè ge i dad to.

Dad Fngewe 21:21 ပူးပေါင်းရင်းမြစ်များ

Dad Fngewe 10:16

Mdà di untung i to matlu, nun klawilan, bay mdà di untung i to sasè, nun kaflayaman.

Dad Fngewe 11:19

Mlawil i to ku too ndà di nawan mimò i tlu, bay i to too mayè mimò sasè, mlal mati.

Dad Fngewe 15:9

I nimò i to sasè knang Dwata, bay kanbongan nawa i to mimò i matlu.

Dad Fngewe 22:4

Ku nun klikoam di Dwata, na fdanaam i ktom di kenen, mlé kenen i dad knun, dengeg, na klawil.

Dad Fngewe 3:22

du ku nun kfulungam faldam fye kagkah i nawam, na nun klehew i kneam.

Matyu 5:6

Nun kafye i dad to bitil na malinum i katlu Dwata, du fabsolan ale kadang.

Roma 14:19

Taman balù tan i nimoito, funaito too fandam, du fye là malmo i ksasatuito di dad demeito faglut, na stabengito du fye matnù i kafaglutito.

1 Korintu 15:58

Taman dad flanekgu faglut toogu kando, du too glut ani, nang ku lwe nawayu, bay balingyu too tangal i kafaglutyu di ku Dyisas. Too gamu fgal mimò i nimòyu di ku Dyisas Krayst, du gadèyu i kdee nimòyu di kenen nun kadang bong btasan.

Filifos 3:12

Na làgu man ku kdee ani gine tagdohò di deg, ku demen landè gugsalàgu. Kabay tatìgu fadlug, du fye gdohò i kdee én, du én knayè Dyisas Krayst di deg mdà di kagatbuan, di kafbalingan deg tingaan.

1 Tésalonika 5:21

Tooyu neye kdee ku glut mdà di Dwata ku là, na dnawatyu i kaglut,

1 Timoti 6:11

Kabay ge Timoti, du nfun ge Dwata, fawag ge di kdee én. Too ge fadlug mimò i matlu nimò, too ge mlalò Dwata, too ge smalig di kenen, too ge kamdo i demem to, too ge tmayud di kdee kel di ge, na toom fantahà i nawam di kdee dad to.

2 Timoti 2:22

Na Timoti, fawag ge di dad sasè knayeam di kfalami i nawam. Na too ge fgal mimò i tlu nimò, smalig ge di Dwata, kamdo demem to, na fadlug di ksasatu nawam di demem to, du ani nimò i kdee dad to dmasal di Amuito i dad to alò satu nawala mlalò kenen.

Hibru 12:14

Sansatuyu nawayu, du fye nun ktanak nawa i kat man satu gamu, na fatluyu i ktoyu, du ku là ito matlu là ito kadang mite Dwata.

1 Fiter 1:7

Nun kaflayamyu, du neye ku untù i kafaglutyu. Du balù i blawen fakay malmo, tnaga di lifoh, du neye ku untù blawen, na mabtas fa i kafaglutyu di blawen, taman là fakay ku là tnilew, du fye mgal. Na ku untù i kafaglutyu, gamdawat gamu kdayen, kdatah, na afè di duh kasfulê Dyisas Krayst.