Dad Fngewe 21:20 - Blaan Sarangani

²⁰ Di gumnè i to fulung faldam nun mabtas kandeen na fye nem knaan, bay i to là fulung faldam, too mlal i kafalmon i kdee knunan.

Dad Fngewe 21:20 ပူးပေါင်းရင်းမြစ်များ

Salmo 23:5

I dad dmuen deg mite i kdawatam deg du ludukam di munagu bong knaan; i kdawatam gambet i to too mgafè. Landè gukulanggu na lambés i basugu di afeam deg.

Dad Fngewe 10:22

Én gafnun i to mdà alò di kafye blé Dwata, na i kafye blén là gfun dun fagu di kalgad mimò.

Dad Fngewe 14:24

I to fulung faldam, i untungan dunan i kfulungan, bay i to là fulung faldam, i untungan dunan i klandè kfulungan.

Dad Fngewe 15:6

I knun i to matlu là lana di kenen, bay i knun i to sasè tatì lana di kakel i kalima.

Dad Fngewe 22:4

Ku nun klikoam di Dwata, na fdanaam i ktom di kenen, mlé kenen i dad knun, dengeg, na klawil.

Dad Fngewe 8:21

Na i dad kamdo deg, banlégu ale knun, na tananùgu i mabtas knun i gumnèla.

Matyu 25:8

Na talù i lime libun là fulung faldam di dademela fulung faldam, manla, ‘Banléyu gami tukay fngaloyu du tafan mati dad salòmi.’

I Fye Tulen gablà ku Dyisas Krayst i Sulat Luk 15:14

Na di kti kdee, nun kel bong kbitil di klamang banwe gusalun, na too kenen malima ditù.

I Fye Tulen gablà ku Dyisas Krayst i Sulat Luk 16:1

Na lêman nun tulen Dyisas satu fléd di dad to mlalò kenen, manan, “Nun satu to too bong knunan, na nun saligan gufagotan dun. Na di satu duh, nun lingen na tabaling falmo saligan i knunan.

I Fye Tulen gablà ku Dyisas Krayst i Sulat Luk 6:45

Na salngad én i dad to. I fye to, fye lamwà di baan du mdà di fye busekan di nawan, bay i sasè to, sasè lamwà di baan du mdà di sasè busekan di nawan. Na ku tan mnè di nawa i satu to, én i lamwà di baan.”