Dad Fngewe 21:10 - Blaan Sarangani

¹⁰ I to sasè, toon knayè mimò sasè, na landè kakdon i demen to.

Dad Fngewe 21:10 ပူးပေါင်းရင်းမြစ်များ

Dad Fngewe 12:12

I dad to sasè, én alò kayèla nimò i sasè, bay i dad to matlu, là mgili i kimòla fye.

Dad Fngewe 14:21

Na balù simto mnang i to landè, gamsalà kenen, bay ku simto kamdo kenen nun kafyen.

Dad Fngewe 2:14

Na too ale lehew mimò sasè na di kagsalàla, too ale baling flehew.

Dad Fngewe 21:13

Ku nun to là flinge i kafakdo i dad to landè, di satu duh, ku kenen i fakdo landè flinge kenen.

Dad Fngewe 21:9

Fye fa ku i lagi nun yaan mnè di too tukay lawig di satnù di gumnè i yaanan mayè mugak.

Dad Fngewe 3:29

Nang ge faldam mimò sasè di to demem saldan, du ge i gusmaligan.

1 Korintu 10:6

Na i kdee kel di dad gutambulito ditù di banwe gulandè to, slame tdò di gito, du fye landè ayeito mimò sasè salngad i nimòla dale.

Dyém 2:13

Du di kukum Dwata, landè kakdon i to là kamdo i demen to. Kabay i to too kamdo i demen to landè klikoan di kukum Dwata.

1 Dyan 2:16

Du i kagkah kdee dad to dini di tah tanà, dunan galla lalò i sasè knayè lawehla, na balù tan teenla toola nibal, na too ale fdag i ktola na i knunla. I kdee nimò ani, ise mdà di Dwata, bay slame mdà dini di tah tanà.