Dad Fngewe 19:20 - Blaan Sarangani

²⁰ Flinge ge i fngewe na dnawatam i tdò ge, du fye kadang ge mbaling to fulung faldam.

Dad Fngewe 19:20 ပူးပေါင်းရင်းမြစ်များ

Salmo 37:37

Tooyu neye i to landè salà, i to too matlu; i to mebe ktanak nawa nun belan.

Salmo 90:12

Tdoam gami fabtas i dad duhmi mimò di tah tanà ani, du fye fulung gami mebe i ktomi.

Salmo 90:14

Na fitem gami i kakdom landè kgilin kat flafus, du fye lehew gami kat i duh di klomi fa mto.

Dad Fngewe 1:2

Sulatan i kdee ani, du tdoan i dad to, du fye gmadè ale i glut kfulung mdà di Dwata, na dnilèla i fye tdò, na glabatla i dad gal gman too mngalam gumtatekan,

Dad Fngewe 1:3

du fye dnawatla na lalòla i gadèla fye, du fye matlu i nimòla di demela to,

Dad Fngewe 1:8

Tingàgu, toom lalò i kafngeweta ge, na nangam nlifet i tdò yéam.

Dad Fngewe 12:15

I to là fulung faldam, fnaglutan slame fye i kdee nimoan, bay i to fulung faldam too flinge i fngewe.

Dad Fngewe 13:10

I to fdatah i kton, landè dademe gukelan ku là samuk, bay i to flinge i fngewe, kenen fulung faldam.

Dad Fngewe 15:32

Ku i to là mayè fatdò, fanlayaman i kton, bay ku fanlingen i kngak kenen, matnù i kfulungan.

Dad Fngewe 19:19

Én nimoam di to mlal malbut tatiam fbayà, fye kenen tmimel ku tan i gukelan, du ku tnabengam kenen sulê, kamnalam kenen na là ge tlag tmabeng kenen.

Dad Fngewe 4:1

Gamu dad ngà, flinge gamu i fngewe màyu gamu, na tooyu fandam, du fye nun kaglabatyu.

Dad Fngewe 8:14

Agu kfulung, fulung agu mngewe, na fulung agu tmabeng, nun kaglabatgu na nun glalgu.

Dad Fngewe 8:33

Ku fanlingeyu i tdògu gamu, nun kfulungyu, na tooyu fkah di nawayu i gmangu ani.