Dad Fngewe 16:32 - Blaan Sarangani

³² Fye fa i to là mlal malbut di to nun bong enegan, na fye fa i to gmagan damnan i kton di to magot i syudad.

Dad Fngewe 16:32 ပူးပေါင်းရင်းမြစ်များ

Salmo 103:8

I Amuito Dwata too kamdo, too bong nawan dad to; laan mlal flabè, na too bong i kakdon na landè kgilin.

Dad Fngewe 14:29

I to là mlal falbut, nun bong kaglabatan, bay i to mlal falbut, fdilean i klandè kaglabatan.

Dad Fngewe 15:18

I to mlal malbut kenen gumdà i ksugak, bay i to là mlal malbut fakay smafye i dad to sugak.

Dad Fngewe 16:19

Fye fa i to ku fdanaan i nawan na fadlug di klandean, di gakuf kenen di dad to fdatah na nun alelan di dad tnakula.

Dad Fngewe 16:31

I klawil, én untung i to matlu i nimoan, na i uben di wakan i gumgafean.

Dad Fngewe 16:33

Fakay dee nimò i dad to, du fye gadèla knayè Dwata, bay Dwata alò fakay dmohò i gukelan.

Dad Fngewe 19:11

I to fulung faldam gadnanan i klabean, na ku nun gamsalà di kenen, ku tatian fbayà, na dnayen kenen i dad to.

Dad Fngewe 25:15

I to fganag i taluan na ftahaan i nawan, gamguman nawa dad gumdatah i mgal ulu.

Dad Fngewe 25:28

I to là gadnanan i kton laan gtabeng i kton, salngad i syudad tamalbà i batu labatan, talandè kibò tmabeng i dad to déén.

Roma 12:21

Taman nang gamu fafisan di kafsasè satu to gamu, bay fnisanyu i sasè fagu di fye kbalasyu dun.

Ifisus 5:1

Taman du gamu i dad ngà Dwata i toon kanbong nawa, tooyu lalò i kenen nimò.

Dyém 1:19

Dad flanekgu kanbonggu nawa, fandamyu ani. Fye i kdee to mlal flinge Tnalù Dwata, nang flal talù, na nang flumak flabè,

Tafite 3:21

Na i dad to gamfisan i dad sasè mkel di dale di klalòla deg banlégu ale kadang glal sudeng di safédgu du magot kdee salngad di kafsudeng i Màgu deg di safédan di kfisangu i kdee dad sasè mkel di deg.