Dad Fngewe 16:22 - Blaan Sarangani

²² I kfulung i to fulung faldam, én gafye na gatgal i nawan, bay i to là fulung faldam, landè gukmamu i katdò kenen.

Dad Fngewe 16:22 ပူးပေါင်းရင်းမြစ်များ

Dad Fngewe 10:11

I to matlu, galan man i gafye, na gatgal i dad to mlinge imanan, bay i to sasè, gbunin i klabean fagu di kfulungan talù.

Dad Fngewe 13:14

I dad tdò i dad fulung faldam gamtabeng ge, gambet yéél mdà di sfuten, na ku laloam, gafalwaan ge di ksasè i gamgebe ge di fati.

Dad Fngewe 14:27

I klikò di Dwata gamtabeng ge, gambet yéél mdà di sfuten, na gafalwaan ge di ksasè gamgebe ge di fati.

Dad Fngewe 15:2

Ku nun man i to fulung faldam, too kayè i dademe ganbet, bay ku nun man i to là fulung faldam, landè gukmamu dun.

Dad Fngewe 15:28

I to matlu funan too faldam di laan fa tmimel, bay i to sasè mlal timelan, bay sasè i manan.

Dad Fngewe 16:21

I to fulung faldam dnagit to nun kaglabat, na i kafye taluan, én gmagan mebe i dad to.

Dad Fngewe 16:23

I to fulung faldam, too funa faldam di laan fa talù, taman i taluan too fnaglut i demen to.

Dad Fngewe 18:4

I dad gman i to fulung faldam gumwè i dademe kfulungla, na too mngalam gambet i mahin, na too fye gambet kaloh i yéél.

Dad Fngewe 18:7

I gafalmo i to là fulung faldam, dunan i dad galan gman, na mfawel sa mdà di kenen dad talù.

Dad Fngewe 3:22

du ku nun kfulungam faldam fye kagkah i nawam, na nun klehew i kneam.

Matyu 15:14

Tatìyu ale fbayà, du balù ku malak ale i dademela to, salngad ale i dad to butè. Na ku i to butè malak i satu to butè, lwe ale baling tatek di sol.”

Dyan 5:24

“Tulengu gamu i kaglutan, ku simto to mimen i tnalùgu, na faglut di mdek deg, nun nawan landè sen, na talà kenen fanlayam di fulé duh, du balù kenen to mati di muna, bay di takafaglutan tanun falami nawan.

Dyan 6:63

Alò i Tulus Dwata gmagan mlé nawa, là sa gwè dun fagu di kgagan i to. I tdògu gamu ani mdà di Tulus Dwata, na gamlé falami nawa.

Dyan 6:68

Na tmimel Simon Fiter, manan, “Amu, landè dademe to gusalumi, du alò ge i gumdà dad tnalù mlé nawa landè sen.