Dad Fngewe 15:31 - Blaan Sarangani

³¹ Ku flinge i satu to i kngak kenen, mbaling kenen satu di dad to fulung faldam.

Dad Fngewe 15:31 ပူးပေါင်းရင်းမြစ်များ

Dad Fngewe 1:23

Ku flinge gamu i kngakgu gamu, nun fye fngewegu gamu mdà di fandamgu, na fgadègu gamu i kfulunggu faldam.

Dad Fngewe 13:18

I to là mayè flinge i fngewe kenen, kalima na kyà i mkel di kenen, bay i to flinge i kngak kenen, nafè i dad to.

Dad Fngewe 13:20

I to sgalak i dad to fulung faldam, kenen mbaling fulung faldam, bay i to sgalak i dad to là fulung faldam nun kalmon.

Dad Fngewe 15:30

Ku lehew i satu to, ge baling too lehew, na i fye tulen too gafgulê ge.

Dad Fngewe 15:32

Ku i to là mayè fatdò, fanlayaman i kton, bay ku fanlingen i kngak kenen, matnù i kfulungan.

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Dad Fngewe 18:15

I to nun kaglabat too mayè ku matnù i gnadean, na i to fulung faldam too flinge, du fye matnù i gnadean.

Dad Fngewe 19:20

Flinge ge i fngewe na dnawatam i tdò ge, du fye kadang ge mbaling to fulung faldam.

Dad Fngewe 25:12

I fngewe i to fulung faldam di to too fulung flinge, too mabtas fa di kas mgimò mdà di too glut blawen.

1 Dyan 2:19

Di muna fa, gakuf dad to dmuen ku Krayst di gito, bay lamwà ale du là sasatu nawala di gito. Ku sasatu nawala di gito gablà di kafaglut di ku Krayst, là ale fa lamwà. Kabay du lamwà ale, ani gugmadeito là sasatu nawala di kafaglutito di ku Krayst Dyisas.