Dad Fngewe 14:32 - Blaan Sarangani

³² I falmo i to sasè i sasè nimoan, bay i kamlung i to matlu i kafyen.

Dad Fngewe 14:32 ပူးပေါင်းရင်းမြစ်များ

Salmo 16:11

Ge i tamdò deg i dalan mfun falami nawa; i kafdadongam, én gumdà ksikof i klehewgu, na i tabengam gumdà i kafye landè gusenan.

Salmo 23:4

Na balù magu agu di too gukmifun gambet i fati là agu likò, du ge, Dwata, i samnagin deg, na ge i kamlung na malak deg, taman matgal i nawagu.

Salmo 37:37

Tooyu neye i to landè salà, i to too matlu; i to mebe ktanak nawa nun belan.

Dad Fngewe 11:5

I katlu i to fye, én gafye i knean, bay i ksasè i to sasè, én gafalmo kenen.

Dad Fngewe 14:33

Nun kfulung mnè di nawa i to nun kaglabat, bay i to là fulung faldam, landè gnadean gablà di kfulung.

Dad Fngewe 24:16

du balù file dulê fnugen i to matlu lêman gték, bay i to sasè, di kakel i too sasè kalima, laan gték.

Dad Fngewe 5:22

I dad salà i to sasè mbaling fawel, du i dad salaan, mawel kenen.

Dad Fngewe 6:15

Na du ani nimoan, makto kel i too sasè gaslokan, na landè gugalwaan.

I Fye Tulen gablà ku Dyisas Krayst i Sulat Luk 2:29

“E Amu, tagdohoam nan i fakangam di deg, taman faloham i saligam ani, fles mati na ftud,

Dyan 8:21

Na lêman talù Dyisas di dad Dyu, manan, “Tafan agu tmagak gamu, na balù fanngabalyu agu, knean mati gamu di là maglifet i salàyu. Na là gamu fakay salu di gusalugu.”

Dyan 8:24

I duengu man di gamu, mati gamu di là fa maglifet i salàyu, du ku là gamu faglut di gmangu gablà di ktogu, mati gamu di là fa maglifet i salàyu.”

Roma 9:22

Salngad én nimò Dwata. Kayean fite i kaflabean na kgal tulusan di dad to. Kabay mdà di knayean, tmayud kenen di kaflabean di dad to, balù nun kaglutan mlayam dale landè gusenan.

2 Korintu 1:9

Man nawami takel i bang kfatimi. Kabay én duen nun kaflayammi, du faglabat Dwata gami di lam i too sasè kaflayam én, là fakay ku snaligmi i kgalmi. Alòmi fakay snalig i kgal Dwata, du kenen gmagan mték i dad mati.

2 Korintu 5:8

Hae, too mgal nawami di kafaglutmi di Dwata, na kayèmi moon ku mlal gami tmagak i lawehmi ani, du fye gasil gami mnè ditù di saféd Amuito Dyisas.

Filifos 1:21

Du di deg, i knègu dini di tah tanà, alò Krayst i toogu knabas. Taman balù ku mati agu fye sa, du mlal agu sa smite kenen.

Filifos 1:23

Too glut msamuk i nawagu, du làgu gadè ku tan i fye nalékgu di lwe ani, fati ku demen mto fa. Kabay én toogu kayè ku mati agu ani, du fye fa ku ditù agu di saféd Krayst,

1 Tésalonika 5:3

Di lam i dad to mangman, “Too nun ktanak kneito, landè ksamuk di banweito,” làla twan i kalmola salngad i libun nkel katduk i tienan du fan sut tingaan, na là ale galwà di kaflayamla.

2 Timoti 4:18

Na gadègu i Amuta Dyisas lêman falwà deg mdà di kdee sasè, kel di keben deg di banwe nagotan di langit. Kenen too magdayen kel di landè sen. Amén.

Tafite 14:13

Kafnge én, lingegu i talù mdà di langit, manan, “Sulatam ani. Tambù di duh ani, too nun kafye i dad to mati mdà di ksasatula di Amula Dyisas.” Na talù i Tulus Dwata, manan, “Too glut ani. Too nun kafye, du gaftud ale di dad nimòla, na gamdawat ale kadang i untung mdà di dad fye nimòla.”