Dad Fngewe 14:22 - Blaan Sarangani

²² Ku falam fandam kimò sasè gsalà ge, bay ku falam fandam kimò fye nun dad to kamdo ge na smalig ge.

Dad Fngewe 14:22 ပူးပေါင်းရင်းမြစ်များ

Dyénésis 24:27

manan, “Dnayengu Dwata i Amu, i Dwata i amugu Abraham, du too kenen gsalig, na nun kakdon landè kgilin, na dnohoan i fakangan di amugu, na kenen malak dagu di kagugu ditù di gumnè gaked i amugu.”

Dad Fngewe 12:2

Kanlehew Dwata i to fye, bay i to falan fandam i sasè nimoan, nukum kenen Dwata.

Dad Fngewe 12:26

I to matlu, kenen malak i dad demen sgalak di fye, bay i dalan i to sasè gafasyat dale.

Dad Fngewe 14:17

I to mlal malbut mlal gsalà, na knang i dad to i to mgaw i demen to.

Dad Fngewe 14:23

Ku too ge mimò nun fye kneam, bay ku én nimoam alò tì stulen, mbaling ge to landè.

Dad Fngewe 19:22

Kayè i to ku nun kamdo kenen landè gusenan, na fye fa i to ku landè knunan di to tmulen kakakéng.

Dad Fngewe 24:8

I to funan fandam i kiboan mimò sasè, én kdagit kenen i to mimò samuk.

Dad Fngewe 3:29

Nang ge faldam mimò sasè di to demem saldan, du ge i gusmaligan.

Dad Fngewe 3:3

Nangam kah kakdom Dwata na kagsaligan ge, na toom fkah ani di fandamam, na di nawam du fye laam glifet.

Dad Fngewe 6:14

Na too fnò sasè di nawan, du toon fandam i kiboan mimò sasè, na balù nè gusalun mebe kenen i ksamuk.

Matyu 5:7

Nun kafye i dad to kamdo i dademela to, du kando ale Dwata.

Dyan 1:17

Hae, du fagu di ku Mosis blé Dwata di gito i dad flaloan, bay blén i kafye na kaglut di gito fagu di ku Dyisas Krayst.