Dad Fngewe 14:16 - Blaan Sarangani

¹⁶ I to fulung faldam, nun klikoan di Dwata na fawag di ksamuk, bay i to là fulung faldam, tatì mimò na là fgeye na sasè i gukelan.

Dad Fngewe 14:16 ပူးပေါင်းရင်းမြစ်များ

Dyénésis 33:9

Kabay man Isaw, “Flanekgu, too dee sa i deg, taman ge nan mfun dale.”

Dyénésis 42:18

Di kakubu tlu duh man Dyosif di dale, “Too nun klikògu i Dwata, taman là gamu sa fnati ku nimenyu i mangu.

Salmo 34:14

Tnagakyu dad sasè nimòyu na nimòyu i fye; na tooyu lalò i dalan kasaglabat na i ksasatu nawa.

Dad Fngewe 1:32

Du i dad to kulang kfulung, mlal ale mati, du là ale mayè fulung faldam, na i dad là fulung faldam, du làla knabas i kfulung, gamdawat ale kadang i kalmola.

Dad Fngewe 14:15

I to kulang i kfulungan faldam, fnaglutan balù tan i lingen, bay i to fulung mebe i kton, toon fanlinge ku nun kaglutan.

Dad Fngewe 14:17

I to mlal malbut mlal gsalà, na knang i dad to i to mgaw i demen to.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.

Dad Fngewe 22:3

I to fulung mebe i kton, tagadean i samuk fan kel, taman funan niwas, bay i to kulang i kfulungan faldam, laan niwas i samuk, tatì fadlug kel di kagdawatan i flayam, bunge i nimoan.

Dad Fngewe 28:14

Nun kafye di to gal mimen Dwata, bay i to fgal i ulun, nun kaflayaman kel di kenen.

Dad Fngewe 29:9

Landè kibò musay i to fulung faldam na i to là fulung faldam, du ku ditù di gususay i to là fulung faldam là manak, alò kenen madoy na flabè.

Dad Fngewe 3:7

Nangam fandam ku too ge fulung, bay toom kanlikò Dwata, na knangam i kdee sasè.

Dad Fngewe 7:22

Taman fanlalan lalò i libun ani, salngad i baka dyol salu di gumatin, salngad i uhe mfawel di fawel,

Dyan 9:40

Na nun dad Farisi magin kenen déén mlinge i manan, na manla, “Kayeam man gami butè?”

1 Tésalonika 5:22

bay fawag gamu di kdee bung sasè.