Dad Fngewe 12:25 - Blaan Sarangani

²⁵ I to gal nun ksamuk i nawan landè klehewan, bay fagu di too fye talù i demen to, mbaling matgal i nawan.

Dad Fngewe 12:25 ပူးပေါင်းရင်းမြစ်များ

Salmo 42:11

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig di Dwata, na lêman agu dmayen kenen, du kenen i falwà deg, na kenen i Dwatagu.”

Dad Fngewe 12:18

I to i là funa fandam i manan gamban salngad i kagban i fais, bay i to fulung faldam, i manan salngad i bulung du gafgulê.

Dad Fngewe 12:26

I to matlu, kenen malak i dad demen sgalak di fye, bay i dalan i to sasè gafasyat dale.

Dad Fngewe 14:10

Landè to fakay too magin ge di sasè klidù nawam, na landè to fakay too magin ge di too klehew nawam.

Dad Fngewe 15:13

I to lehew, teenam i klehewan di bawehan, bay i to mlidù, teenam i klidù nawan di bawehan.

Dad Fngewe 15:15

I knè i to mdanà too malima, bay i to nun klehew, too lehew i knean.

Dad Fngewe 15:23

Lehew i to ku fye i ktimelan di bangan tmimel dun.

Dad Fngewe 15:30

Ku lehew i satu to, ge baling too lehew, na i fye tulen too gafgulê ge.

Dad Fngewe 16:24

I fye talù, salngad i tnab too mi i neman, na gafye i laweh.

Dad Fngewe 17:22

I klehew nawa, gafye i laweh, na i klidù nawa, gafsasè i laweh.

Dad Fngewe 18:14

I to fangalan i nawan di bang i nun fdasan, ani i dalanan tmabeng i kton, du fye mto, bay i to flungay i nawan di nun fdasan, landè imen nawan ku mto fa kenen.

Dad Fngewe 25:11

Too fye fanlinge i talù too mastadè, salngad kafye i kafye falas di gumnè i harì.

Dad Fngewe 27:9

Ku ungafam i fangbun, too ge lehew, na ku nun samuk, lana i ktanak nawam.