Dad Fngewe 12:23 - Blaan Sarangani

²³ I to fulung mebe i kton laan fdag i gnadean, bay i to là fulung faldam balingan fdilè i klandè gnadean fagu di taluan.

Dad Fngewe 12:23 ပူးပေါင်းရင်းမြစ်များ

Dad Fngewe 10:14

I dad to fulung faldam, làla fagfan i gnadèla du funala gal too fandam ku tan i manla, silang talù, bay ku talù i to là fulung faldam, too mlal i ksamuk.

Dad Fngewe 10:19

I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.

Dad Fngewe 11:13

I to samtugad salék, là gsalig gutmulen i santulenam di kenen, bay i to gsalig, là samtugad i santulenam di kenen.

Dad Fngewe 13:16

I to fulung mebe i kton, funa faldam klon fa mimò, bay i to là fulung faldam, fiten di kdee i klandè kfulungan.

Dad Fngewe 14:33

Nun kfulung mnè di nawa i to nun kaglabat, bay i to là fulung faldam, landè gnadean gablà di kfulung.

Dad Fngewe 15:2

Ku nun man i to fulung faldam, too kayè i dademe ganbet, bay ku nun man i to là fulung faldam, landè gukmamu dun.

Dad Fngewe 18:2

I to là fulung faldam, laan mayè gamlabat, bay aloan kayè fdag i gnadean.

Dad Fngewe 29:11

I to là fulung faldam, toon falwà i kaflabean, bay i to fulung faldam, gadnanan i kton.