Dad Fngewe 12:15 - Blaan Sarangani

¹⁵ I to là fulung faldam, fnaglutan slame fye i kdee nimoan, bay i to fulung faldam too flinge i fngewe.

Dad Fngewe 12:15 ပူးပေါင်းရင်းမြစ်များ

Dad Fngewe 1:5

gafatnù di gnadè i dad to fulung faldam, na malak i dad to nun kaglabat,

Dad Fngewe 13:1

I tingà fulung faldam too mayè flinge i fngewe i maan, bay i tingà madoy too là flinge i kngak kenen.

Dad Fngewe 13:10

I to fdatah i kton, landè dademe gukelan ku là samuk, bay i to flinge i fngewe, kenen fulung faldam.

Dad Fngewe 14:12

Nun dalan fandam i to too matlu, bay gusen i dalan ani di fati.

Dad Fngewe 14:16

I to fulung faldam, nun klikoan di Dwata na fawag di ksamuk, bay i to là fulung faldam, tatì mimò na là fgeye na sasè i gukelan.

Dad Fngewe 16:2

Kdee nimò i to fandaman too fye, bay Dwata i mukum i knayè nawa i to na i duenan mimò dun.

Dad Fngewe 16:25

Nun dalan fandam i to too matlu, bay i gusen i dalan ani di fati.

Dad Fngewe 19:20

Flinge ge i fngewe na dnawatam i tdò ge, du fye kadang ge mbaling to fulung faldam.

Dad Fngewe 21:2

Kdee nimò i satu to di fandaman too fye, bay Dwata mukum ku tan i knayè nawa i to na i duenan mimò dun.

Dad Fngewe 26:12

Fye fa i to là fulung faldam, di to i man nawan kenen too fulung.

Dad Fngewe 26:16

I to là mayè mimò, man nawan too kenen fulung fa di balù fitu lagi fulung tmimel.

Dad Fngewe 28:11

Di fandam i to nun knun, nun kfulungan, bay i to landè i nun kaglabat, gmadè i kaglut, nun kfulungan ku demen là.

Dad Fngewe 3:7

Nangam fandam ku too ge fulung, bay toom kanlikò Dwata, na knangam i kdee sasè.

Dad Fngewe 30:12

Nun dad to flingu too ale mlaneb bay i kaglutan, di lam i nawala too ale magagsik.

Dad Fngewe 9:9

Fngewem di to fulung, gatnù i kfulungan, tdoam di to matlu, gatnù i gnadean.

I Fye Tulen gablà ku Dyisas Krayst i Sulat Luk 18:11

Na tadag i Farisi di muna na dmasal, manan, ‘E Dwata, mlé agu fye di ge, du là agu salngad i dademe dad to gal tyan, na mlangong, na mlafà i yaanla, na là agu gambet i to gal mwè bayad buhis atù.

Galasya 6:3

Ku nun to man nawan mdatah kenen, bay di kaglutan ise kenen mdatah, fangawan i kton.