Dad Fngewe 11:9 - Blaan Sarangani

⁹ I gman i to là faglut di Dwata, én gafalmo i demen to, bay i kfulung i to matlu, én gafalwà i demen to.

Dad Fngewe 11:9 ပူးပေါင်းရင်းမြစ်များ

Dad Fngewe 11:6

I katlu i to gsalig, i gafalwà kenen, bay i to là gsalig, tamgikat kenen di sasè knayean.

Dad Fngewe 11:8

I to matlu, galwà di samuk, bay én baling nkel i samuk i to sasè.

Dad Fngewe 16:29

I to labè, mgaw i demen sgalak, na malak kenen di sasè dalan.

Matyu 7:15

Na fadlug Dyisas tamdò, manan, “Too gamu fgeye du nun dad to flingu ale tugad mdà di Dwata. Salu ale di gamu gambet dad mnalam lmanaf bilibili, bay i too glut kagkahla salngad di labè ayem di bnas gal falmo.

Mark 13:14

“Na teenyu kadang i too gamlikò gal falmo tadag déén di Gumnè Dwata, i là fakay gumnean. (Gamu masa ani tooyu fandam du fye glabatyu.) Na ku teenyu i too gamlikò én, ku déén gamu di Dyudiya mila gamu di dad bulul.

Dad Nimò 20:30

Na balù dademe di gamu kadang tamdò kakakéng, du fye mgebeyu i dad to faglut di klalò gamu.

1 Dyan 2:21

Ise ku én duengu smulat gamu ku làyu gadè i kaglut, bay smulat agu du tagadèyu, na gadèyu landè kakakéng fakay gbol di kaglut.

1 Dyan 2:27

Kabay gamu, du mnè i Tulus Dwata di gamu, balù landè tamdò gamu, du tagadèyu i kaglut. Na i tdoan gamu slame glut ise ku kakakéng. Taman du tdoan gamu i kaglut too gamu fadlug di ksasatuyu di ku Krayst.