Dad Fngewe 11:20 - Blaan Sarangani

²⁰ Knang Dwata i dad to sasè fandam, bay én toon kanlehew i dad to mimò matlu.

Dad Fngewe 11:20 ပူးပေါင်းရင်းမြစ်များ

Salmo 11:7

Du i Amugu Dwata too matlu na én kayean i matlu nimò, taman dad to matlu mite kenen kadang.

Salmo 51:6

Én toom kayè di satu to, ku mnè i kaglut na ksalig di lam i nawan, taman tdoam deg du fye too nun kfulunggu faldam.

Dad Fngewe 11:21

I kaglutan, là galwà i dad to sasè di kaflayam Dwata dale, bay i dad to matlu falwaan.

Dad Fngewe 12:22

Too knang Dwata i dad to tmulen kakakéng, bay toon kanlehew i dad to tmulen i kaglut na dmohò i manla.

Dad Fngewe 13:6

I to matlu, én kamlung kenen i dad fye nimoan, bay i to gamsalà, én gafalmo kenen i dad sasè nimoan.

Dad Fngewe 14:9

I dad to là fulung faldam ku gamsalà tatì landè di dale, bay i dad to fye, mngabal ale kfagu klifet i dad salà.

Dad Fngewe 15:26

Knang Dwata i fandam i dad to sasè, bay kanlehewan i talù dad to mlaneb i nawala.

Dad Fngewe 15:8

I dsù blé i to sasè knang Dwata, bay i dasal i to matlu kanlehewan.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Dad Fngewe 21:29

I to matlu, nun ksaligan i kton kenen matlu, bay i to sasè, alò tatì flingu kenen matlu.

Dad Fngewe 3:32

du Dwata too mnang nawan i dad to mimò sasè, bay fgadean i fandaman di dad to matlu.

Dad Fngewe 6:14

Na too fnò sasè di nawan, du toon fandam i kiboan mimò sasè, na balù nè gusalun mebe kenen i ksamuk.

Dad Fngewe 8:13

I to nun klikoan di Dwata, knangan i sasè. Na agu kfulung, mnang agu i kafdatah, i kafdag, i sasè nimò, na i kakakéng.

Dad Fngewe 9:7

Ku nngakam i to madoy, balingan ge fyà, na ku nngakam i to sasè, balingan ge fansasè.