Dad Fngewe 10:20 - Blaan Sarangani

²⁰ I dad talù i to matlu too mabtas, salngad i btas i glut salafì, bay i fandam i to sasè landè btasan.

Dad Fngewe 10:20 ပူးပေါင်းရင်းမြစ်များ

Dyénésis 6:5

Na tateen Dwata i too sasè nimò i kdee dad to di tah tanà, na tagadean i kdee fandamla na knayèla slame sasè.

Dyénésis 8:21

I bun i dsuan too gaflehew Dwata i Amu, na gman i nawan, manan, “Làgu lêman falmo i klamang tanà, du mdà di sasè nimò i dad to, balù gadègu mdà di ksutla nun sasè knayèla. Na làgu lêman falmo i kdee mto di tah tanà gambet i tamgimògu ani.

Salmo 37:30

I to matlu too nun gukmamu i galan man, na ku mukum kenen too glut i kukuman;

Dad Fngewe 12:18

I to i là funa fandam i manan gamban salngad i kagban i fais, bay i to fulung faldam, i manan salngad i bulung du gafgulê.

Dad Fngewe 15:4

I fye talù gamlé klawil na ktanak nawa i dad to, bay i sasè talù gamlé tduk di nawa i dad to.

Dad Fngewe 16:13

I dad harì mayè ale flinge i kaglut, na knabasla i to tmulen i kaglut.

Dad Fngewe 20:15

Blawen na dad mabtas batu too mabtas, bay mdatah fa kabtas i gman i dad to nun gnadè.

Dad Fngewe 23:7

du kenen satu to gal faldam gablà di bong btas i knaanan. Manan di ge, “Kmaan na minum ge,” bay i manan ani là mdà di nawan.

Dad Fngewe 8:19

I gwèyu mdà di deg, mabtas fa di kabtas i too blawen, na di kabtas i too salafì.