2 Timoti 4:18 - Blaan Sarangani

¹⁸ Na gadègu i Amuta Dyisas lêman falwà deg mdà di kdee sasè, kel di keben deg di banwe nagotan di langit. Kenen too magdayen kel di landè sen. Amén.

2 Timoti 4:18 ပူးပေါင်းရင်းမြစ်များ

Dyénésis 48:16

Ge i kasaligan i falwà dagu mdà di kdee dad fsasè dagu, taman kayègu ku lê ge mlé moon kafye di dad sawang lagi ani. Na kayègu ku i dagitgu na i dagit i fùgu Abraham na i màgu Isaak too magdengeg mdà di dad fùgu ani. Na lêgu kayè ku toom ale fbel di tah tanà ani.”

Salmo 121:7

I Amuito Dwata smafang ge mdà di kdee sasè; kanlungan ge fye landè gaslokam.

Salmo 37:28

Hae, du én alò kayè Amuito Dwata i katlu, na laan sa fbayà i dad to faglut di kenen kel di landè gusenan; bay i bel dad to mimò sasè falmon ale.

Dad Fngewe 14:32

I falmo i to sasè i sasè nimoan, bay i kamlung i to matlu i kafyen.

Matyu 13:43

Kafnge én, i dad to matlu di kite Dwata too ale mneng di kagot i Màla Dwata gambet i kneng i duh. Taman fye flinge gamu, ku nun klingeyu!

Matyu 25:34

“Kafnge én, agu, i Harì, talù agu di dad to gsen di kwanangu, mangu, ‘Gamu, dad gamdawat i kafye màgu, salu gamu dini di deg, na dnawatyu i kagot tagaan gamu mdà di kgimò i banwe.

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

I Fye Tulen gablà ku Dyisas Krayst i Sulat Luk 11:4

Na nlifetam i dad salàmi, du nlifetmi dad salà i kdee dad to gamsalà di gami. Na nangam faloh di gami i dad tilew gamgebe gami di salà.’ ”

I Fye Tulen gablà ku Dyisas Krayst i Sulat Luk 12:32

Man Dyisas, “Gamu dad mlalò deg, nang gamu likò balù ku là gamu dee, du i Màyu di langit, too kenen lehew fagin gamu di kagotan.

I Fye Tulen gablà ku Dyisas Krayst i Sulat Luk 22:29

na i Màgu, banlén agu glal magot, na salngad én, banléta gamu glal magot,

Dyan 17:15

Na ise ku én fnigu ku nweam ale mdà di tah tanà, bay fnigu ku kanlungam ale mdà di ku Satanas.

Roma 11:36

Du tamgimoan sa i kdee, na kenen magot i kdee, na fagu di kdee tamgimoan magdayen kenen. Taman too ito dmayen kenen kel di landè sen. Amén.

Roma 16:27

Taman dmayen ito Dwata landè gusenan fagu di ku Dyisas Krayst, du kenen alò too fulung na gmadè i kdee. Amén

1 Korintu 1:21

Kabay too fulung Dwata, du ise ku mdà di kfulung i dad to di tah tanà, i duenito gmadè kenen. Kabay én kayè Dwata ku gadeito kenen fagu di kafaglutito di kenen, dunan i tdòmi gamu. Kabay baling man i dademe landè gukmamu i tdòmi.

1 Korintu 10:13

I kdee kibò Satanas tmilew gito, salngad i gal gnagu i dademe to di tah tanà. Kabay Dwata too gsalig tmabeng gito, du laan faloh di gito i tilew laito gagan tnayud. Kabay di bang nun tilew banlén ito gnagan, du fye là ito gamsalà.

1 Korintu 15:50

Na dad flanekgu faglut, ani kayègu man di gamu, lawehito ani lumak mati, na là fakay gakuf kadang di kagot Dwata, du là sa gamtayud lawehito ani kel di landè sen, du lumak malmo.

2 Korintu 1:10

Kenen sa i tagafalwà gami, na là gami mati. Taman ani duenan too gami smalig di kenen, du gadèmi ku nun gnagumi lêman i bong kaflayam lêmanan gami falwà.

Galasya 1:5

Too ito dmayen Dwata kel di landè sen. Amén

1 Tésalonika 5:23

Kayèmi ku Dwata i gumdà i ktanak nawaito, fbalingan gamu dad to landè sasè gbol di nawayu, na magot i nawayu, i fandamyu, na i lawehyu, du fye landè gudmalam gamu di kasfulê Amuito Dyisas Krayst.

2 Tésalonika 3:3

Kabay Amuito Dyisas i too gsalig, na kenen sa tamgal i nawayu, na kamlung gamu di kdee sasè mdà di ku Satanas.

1 Timoti 1:17

Taman di Dwata gumlé i kdeeito dad to i afè na dayen kel di landè sen, du kenen sa i Harì magot i kdee kel di landè sen, i là fakay mati, i là fakay teen, na kenen alò Dwata. Amén.

1 Timoti 6:16

Kenen alò i là mati, mnè kenen di too gumalwan i landè to gafdadong dun, landè to lmen mite kenen, na landè to gmagan mite kenen. Kenen sa i too mgafè, too magdayen, na i kagotan landè gusenan. Amén.

2 Timoti 1:12

Taman én duengu maflayam dini di bilanggù. Kabay balù ani i gaslokgu landè kyàgu, du toogu gadè i gusmaliggu, na too nun imen nawagu gmagan kenen mifat i tasaligan di deg kel kadang di Duh Kukuman.

2 Timoti 4:1

Na Timoti, toogu man di ge di muna Dwata na Krayst Dyisas i mukum i kdee dad to mto na mati, na magot i kdee kadang di kasfuléan, ani dekta ge:

Hibru 11:16

Kabay i fanngaballa i banwe mdatah fa di banwe tagakla, dunan banwe di langit. Na taman Dwata là myà di kmanla kenen Dwatala, du tatnagaan ale banwe gufnean dale.

Hibru 12:22

Kabay baling i gufdadongito di Dwata mahal di dad bel Israél, du ani i gufdadongito di bulul Sion di banwe Dwata i too mto, dunan Dyérusalém di langit, i gustifun i dad dee libu kasaligan Dwata too lehew.

Dyém 2:5

Kabay dad flanekgu kanbonggu nawa, fanlingeyu agu. Là kè glut na i dad to landè di tah tanà i dad mgalék Dwata, du fye nun too glut knunla, dunan i bong kafaglutla di kenen? Na laan ale kè nalék, du fakufan ale di kagotan di fulé duh i fakangan di to mbong nawa kenen? Hae, too glut ani.

1 Fiter 1:5

Fagu di kafaglutyu smalig gamu toon gamu kanlung fagu di kgal tulusan, kloyu fatan i kagalwàyu landè gusenan, i tagatlagad fiten di gamu di fulé duh.

1 Fiter 5:11

Dwata magot i kdee, na landè gusen i kagotan. Amén.

2 Fiter 1:11

na gamdawat gamu i kaglut fusuk di banwe nagot Dyisas Krayst, i Amuito na To Falwà gito, na landè sen i kagotan dun.

2 Fiter 3:18

Kabay fye too matnù i kgadèyu gablà di Amuito Dyisas Krayst i Falwà gito, na i kafye blén gamu. Kayègu mdà ani too kenen magdayen na kel di landè sen. Amén.

Dyud 1:1

Agu Dyud i smulat ani, agu satu salig Dyisas Krayst na i flanek Dyém. Na sulatgu ani di kdeeyu tamgalék Dwata na mnè di kakdo Maito Dwata na di ifat Dyisas Krayst.