2 Timoti 3:16 - Blaan Sarangani

¹⁶ I kdee Tnalù Dwata fsulatan, di kenen too gumdaan. Na tagablé di gito du én gukmamu dun di katdò i kaglut, di kngak i sasè nimò, di kafngewe, na di katdò i matlu nimò,

2 Timoti 3:16 ပူးပေါင်းရင်းမြစ်များ

Salmo 119:130

I kafbel i dad tnaluam, lamwa fandam i dad to, na mlé kaglabat balù di dad to landè gnadè.

Dad Fngewe 15:10

Ku gasyat i to di fye dalan, too blat i kaflayaman, na mati i to ku laan dmawat i kngak kenen di gugsalaan.

Dad Fngewe 15:31

Ku flinge i satu to i kngak kenen, mbaling kenen satu di dad to fulung faldam.

Dad Fngewe 6:23

Du i kafngewe ani, salngad i saloam tmuyal i dalanam, na i kngakla, tamdò ge i kiboam mebe i ktom.

Matyu 13:52

Taman manan, “Ku glabatyu, glabatyu i kagkah i to tagnè gmadè i flalò blé Dwata fagu di ku Mosis, na ku lê kenen mlalò i kagot Dwata salngad kenen di satu to too nun knunan di gumnean. Nun labi na nun falami knunan fakayan gumwè ku nun gukmamun dun.”

Matyu 21:42

Na man Dyisas di dale, “Làyu kè bnasa i man Dwata di Tnaluan? Manan, ‘I batu too knang i dad to fdak gumnè, du di dale fandam landè gukmamu dun, én baling i batu too mabtas di kdee. Hae, ani mgimò i Amuito Dwata, na di kitemi, too gamtikeng i nimoan.’

Matyu 22:43

Na man Dyisas, “Ku én, kan ku katlo Dabid kenen Amu fagu di kalak i Tulus Dwata? Hae, du ani gman Dabid,

Matyu 26:54

Kabay ku én i nimògu, là gdohò i kdee gman Dwata di Tnaluan gablà di gnagugu.”

Matyu 26:56

Kabay én duen mgimò kdee ani du fye gdohò i tagsulat dad tugad Dwata.” Na di kman Dyisas ani i kdee dad gal mlalò kenen tnagakla kenen na mila.

Mark 12:24

Na tmimel Dyisas, manan, “Gsalà fandamyu, na i duenan du làyu gadè i Tnalù Dwata, na làyu gadè kgal tulus Dwata.

Mark 12:36

Balù Harì Dabid fagu di kalak Mtiu Tulus, tlon i To Mgalék Dwata, Amu, manan, ‘Man i Amuito Dwata di Amugu, fagotgu ge i kdee, taman sudeng ge dini gsen di kwanangu, kel di kagfisangu dad mnang nawa ge, na kafkahgu dale di dungan falel bliam.’

Dyan 10:35

Na too glut i Tnalù Dwata, na là fakay mgili. Na ku dad dwata i katlo Dwata i dad to gumlén i Tnaluan,

Dyan 3:20

Du i kdee dad to mimò sasè knangla i kalwa, na là ale mayè fdadong di salò ken gadè i dad sasè nimòla.

Dad Nimò 1:16

“Dad flanekgu, là fakay ku là gdohò i Tnalù Dwata tagman i Tulus Dwata fagu di ku Dabid di muna fa gablà ku Dyudas, i to mebe i dad to di gukamfèla ku Dyisas.

Dad Nimò 18:25

Na tanun tamdò kenen gablà di dalan mlalò i Amuito Dyisas, na ani too minit i nawan tamdò gablà di kenen. Na glut i tdoan, bay aloan gadè gablà di kbunyag i tdò Dyan.

Dad Nimò 20:20

Kabay balù ani nimòla, gadèyu landè làgu nimò i gamtabeng gamu di ktulengu na di katdògu gamu di gustifunyu na di dad gumnèyu.

Dad Nimò 20:27

Du tasdulêgu tulen di gamu i kdee knayè Dwata, landè làgu tulen di gamu.

Dad Nimò 28:25

Na baling ale sdal di kdàla. Kabay di là ale fa mdà, man Fol, “Too glut i gman i Mtiu Tulus di dad gutambulyu fagu di tugad Dwata Isaya, manan,

Roma 15:4

Balù tan tagsulat di Tnalù Dwata, fsulatan du fye tamdò gito, du fye fagu di kagtayudito maglala sito, na là magwè di nawaito i galito fatan di fulé duh.

Roma 2:20

Na man nawayu ku gaganyu tamlu i fandam i dad to là fulung faldam, na tamdò dad to là fa too gmadè gablà di Dwata. Én fandamyu alò di flalò ani gumdà i gnadèyu na i glut tdò, bay gsalà i fandamyu.

Roma 3:2

Nun sa. Muna di kdee di gito dad Dyu i gusmalig Dwata i Tnaluan.

Roma 4:23

Na Tnalù Dwata tafsulat Dwata gablà di katlu Abraham di kiten fsulatan ise alò gablà ku Abraham,

1 Korintu 12:7

Na i gnagan tagablé di kat satu dad faglut, ani ilè mnè i Tulus Dwata di kenen, du fye tnabengan dad demen faglut di ku Dyisas.

Galasya 3:8

Di kafsulat Dwata di Tnaluan, falan gadè fbalingan i dad to ise Dyu matlu di kiten fagu di kafaglutla. Na falan tulen ku Abraham gablà di Fye Tulen én, manan, “Fagu di ge, mlé agu kafye di kdee dad sahal to di klamang tanà.”

2 Timoti 2:25

na fganag mngewe i dad to dmuen i kaglut. Hae, du ken Dwata tamdel nawala fye mguman i fandamla na dmilè i kaglut.

2 Timoti 4:2

Too ge fgal tamdò Tnalù Dwata balù tan duh dun, na balù ku nun mayè flinge demen landè. Na toom faglabat di dad to, tdoam i gugsalàla, tangalam nawala mimò fye, na fantahaam nawam tamdò dale.

Hibru 11:1

Ku faglut ito di Dwata, gadeito tooito gdawat i kdee kafye fatanito mdà di kenen. Na fagu di kafaglutito gadeito di nawaito, kadang satu duh gdawatito i kdee laito fa teen.

Hibru 3:7

Na taman too ito mimen i fngewe i Mtiu Tulus fsulatan, manan, “E gamu, toogu fanlinge i man Dwata di gamu di duh ani,

Hibru 4:12

Na tooito fafye, du too nun eneg i Tnalù Dwata, du gfiten ku tan mnè di fandamito na ku tan knayè nawaito. Na i Tnalù Dwata flingengu di sundang, du too gamban, mdatah fa di kagban i sundang sbalà gban, du balù gagan dugsang i sundang di laweh na fiten ku tan i mnè di lam, bay mdatah fa i Tnalù Dwata, du gmagan fgadè ku tan too mnè di fandamito, na tan knayè nawaito, na dad nimoito.