2 Korintu 7:10 - Blaan Sarangani

¹⁰ Na i gukel i klidù nawa i too nun kamu Dwata, dunan i ksal i dad salà na kguman i nawa. Na i gukel i ksalyu ani, dunan nun kagalwàyu di kaflayam landè gusenan, na landè gumsal nawayu déén. Kabay i gukel i klidù nawa i mdà alò di to, dunan di fati landè gusenan.

2 Korintu 7:10 ပူးပေါင်းရင်းမြစ်များ

Dad Fngewe 15:13

I to lehew, teenam i klehewan di bawehan, bay i to mlidù, teenam i klidù nawan di bawehan.

Dad Fngewe 15:15

I knè i to mdanà too malima, bay i to nun klehew, too lehew i knean.

Dad Fngewe 17:22

I klehew nawa, gafye i laweh, na i klidù nawa, gafsasè i laweh.

Dad Fngewe 18:14

I to fangalan i nawan di bang i nun fdasan, ani i dalanan tmabeng i kton, du fye mto, bay i to flungay i nawan di nun fdasan, landè imen nawan ku mto fa kenen.

Dyona 3:10

Na di kite Dwata i Amu i nimòla na i ktagakla i dad sasè ldamla, tanlasan i fandaman na laan fnadlug i gmanan gablà di kafalmon dale.

Dyona 3:8

Kdeeyu lamsak i klaweh saku, na balù i dad lmanafyu fnalsakyu. Na kat man satu gamu dmasal di Dwata i Amu na tmagak i dad sasè ldamyu na dad sasè mgimòyu.

Dyona 4:9

Kabay man Dwata i Amu di kenen, manan, “Fandamam, landè duenam flabè gablà di walad gamsalung ge.” “Too agu flabè fye fa ku mati agu.”

Matyu 26:75

na gafaldam Fiter i gman Dyisas di kenen, “Di là fa kamleet i anuk tatmulen ge tlu dulê laam agu dilè.” Na lamwà kenen na too mngel.

I Fye Tulen gablà ku Dyisas Krayst i Sulat Luk 15:10

Na tulengu gamu, salngad én i klehew dad kasaligan Dwata di ksal satu to gamsalà di salaan.”

I Fye Tulen gablà ku Dyisas Krayst i Sulat Luk 18:13

“Kabay i to gal mwè bayad buhis, tadag kenen di gumawagan, na balù lngalà di langit, là, bay ntungan kfen mdà di bong kliduan, na dmasal di Dwata, manan, ‘E Dwata, begam agu kando, du agu satu to too gamsalà!’

Dad Nimò 11:18

Na di kaklinge i dademen faglut i gmanan, talà ale nan mugak, bay baling ale dmayen Dwata, manla, “Hae, tatmabeng Dwata kadì i dad to ise Dyu, du fye msal ale di dad salàla na faglut di kenen, du fye nun nawala landè sen.”

Dad Nimò 3:19

Taman msal gamu, na samfulê gamu di Dwata, du fye nlifetan i dad salàyu,

2 Korintu 12:21

Na likò agu ken di kakelgu du mlauy gamu, bong i kyàgu di muna Dwata gablà di gamu. Na ken too mlidù nawagu kadang gablà di dee dad to gamsalà di muna fa, na kel ani là fa msal na tmagak i dee bung sasè knayè i lawehla, i too magagyà nimò i nimòla balù di muna i dad to.

2 Korintu 7:9

Na ani, nun klehewgu ise ku mdà di flidùta gamu, bay du fagu di klidù nawayu msal gamu na tnagakyu i dad sasè nimòyu. I klidù nawayu én, too nun kamu Dwata dun, taman i muna sulatgu landè gusasean di gamu.

Hibru 12:17

Na gafaldamyu, là mlo kayean dnawat i kafye gablé di twege moon bay là kenen banlé, du landè dalanan mawì i tamgimoan balù fa tatì kamwak di ksalan.