2 Korintu 1:9 - Blaan Sarangani

⁹ Man nawami takel i bang kfatimi. Kabay én duen nun kaflayammi, du faglabat Dwata gami di lam i too sasè kaflayam én, là fakay ku snaligmi i kgalmi. Alòmi fakay snalig i kgal Dwata, du kenen gmagan mték i dad mati.

2 Korintu 1:9 ပူးပေါင်းရင်းမြစ်များ

Salmo 22:29

Balù dad to too mdatah di tah tanà ani fdanàla i ktola di kenen di duh én, na kel di kdee to i mto alò flo di tah tanà ani, fdanàla i ktola di kenen.

Dad Fngewe 14:32

I falmo i to sasè i sasè nimoan, bay i kamlung i to matlu i kafyen.

Dad Fngewe 28:26

I to smalig i kton, kenen sa i to là fulung faldam, bay i to mlalò i dalan kfulung, maklung kenen di sasè.

I Fye Tulen gablà ku Dyisas Krayst i Sulat Luk 18:9

Na tulen Dyisas i fléd ani di dad to smalig di fye nimòla, du man nawala matlu ale, bay balingla fdanà i dademela to.

Roma 8:36

Salngad én i man di Tnalù Dwata, manan, “Tilewla gami fnati tayud i duh, du mdà di klalòmi ge, i kibòla gami salngad dad bilibili fanla tnatê.”

2 Korintu 1:10

Kenen sa i tagafalwà gami, na là gami mati. Taman ani duenan too gami smalig di kenen, du gadèmi ku nun gnagumi lêman i bong kaflayam lêmanan gami falwà.

2 Korintu 1:8

Dad flanekgu faglut, fye gadèyu gablà di kaflayammi ditù di banwe Asya. Too landè guflingengu i kaflayam i gnagumi, du man nawami talà gami gamtayud na mati gami.

2 Korintu 3:5

Na i nimòmi là sa ku manmi tatì mdà di gami i mimò ani, du landè gnaganmi. Kabay i kgaganmi mimò dun, mdà sa di Dwata.

2 Korintu 4:7

Na balù alò gami gambet i dad kulang tanà landè alì btas, tasaligan di gami i too mabtas nimò, du fye glabat i dad to i eneg mimò i fimoan gami ise ku mdà di gami bay mdà di kenen.

Hibru 11:19

Na fandaman balù fnatin tingaan, gagan Dwata lêman mto kenen mdà di fati. Na sadi mto Isaak mdà di fati, du fan fnati i maan.