1 Timoti 4:8 - Blaan Sarangani

⁸ Nun gukmamu kafgal i laweh, bay too nun fa gukmamu kafgal i kafaglutam di Dwata, du bong ktabengan di kneam dini di tah tanà na ditù kadang di langit.

1 Timoti 4:8 ပူးပေါင်းရင်းမြစ်များ

Salmo 37:11

Kabay dad to nun kafdanà nawala i baling mfun kadang i banwe, na too nun klehewla na ktanak nawala di fye knèla ditù.

Salmo 37:29

Gfun i dad to matlu i banwe fakang Dwata dale, na én i gumnèla kel di landè sen.

Salmo 37:9

Ani gmangu du nun duh kadang maklang i nimò dad to sasè, bay i dad to smalig di Amuito Dwata gfunla i banwe fakangan dale.

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Dad Fngewe 19:23

I to nun klikoan di Dwata mlawil kenen, na nun ktanak nawan na gawag kenen di ksasè.

Dad Fngewe 22:4

Ku nun klikoam di Dwata, na fdanaam i ktom di kenen, mlé kenen i dad knun, dengeg, na klawil.

Matyu 12:32

I to talù sasè gablà di deg, i dnagit Tingà To, fakay nlifet, bay i to talù sasè gablà di Mtiu Tulus là maglifet salaan balù duh ani na kel di landè sen.”

Matyu 19:29

Na kat satu to tmagak i gumnean, ku demen i dad flanekan, ku demen i maan, ku demen i yéan, ku demen i dad ngaan, ku demen tanaan mdà di klaloan deg, too bong gdawatan mdà di Dwata kel di mlatu dulê i kbongan di tatnagakan. Na gdawatan fa i nawa landè sen.

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Mark 10:30

too bong gdawatan mdà di Dwata di klon mnè di tah tanà, dunan dad gumnè, dad flanek lagi na libun, dad yê, dad ngà, na dad tanà, kel di mlatu dulê kbongan di gtagakan, na gagin dee dad kaflayam, na di fulé duh gamdawat kenen nawa landè sen.

I Fye Tulen gablà ku Dyisas Krayst i Sulat Luk 5:38

Én fye gufkah i falami binu di falami kindal.

Roma 8:28

Gadeito i kdee kel di gito slame fagu Dwata di gufyeito, di gito dad bong nawa kenen, i tamgalékan du mimò i knayean.

1 Korintu 3:22

balù ku agu Fol, Afolos, Fiter, ku demen i dad fye dini di tah tanà ani, i nawayu, i kfatiyu, na balù i tan kel ani, ku demen kadang di fulé duh, kdee ani gablé Dwata gamu du slame gufyeyu.

1 Korintu 8:8

Na gadeito i knaan ise én gafdadong gito di Dwata, balù kmaan ito ku demen là.

1 Timoti 4:7

Kabay fawag ge di dad santulen ise mdà di Dwata, i landè gukmamu tdò dad muna to. Kabay én balingam nimò, tdoam i ktom i kiboam mafè na mlalò Dwata.

1 Timoti 6:3

Nè i to tamdò i mahal tdò na là masalngad di too glut tnalù Amuta Dyisas Krayst, na là maslalò i tdò fnaglutito mdà di Dwata,

1 Timoti 6:5

na là tlag i kasdal i dad to tamalmo fandamla, na talà dmilè i kaglut. Én man nawala di kafaglut di Dwata satu dalan gugamwèla bong knun.

1 Timoti 6:6

Na too glut sa, i kafaglut di Dwata gamlé i to bong knun, silang ku alò fnò i nawan balù tan i gununan.

2 Timoti 3:5

Na flingu ale faglut di Dwata, bay fankéngla kgal i tulus Dwata. Taman Timoti, too ge fawag di dad to én.

Titus 3:8

Too glut i gmangu di ge ani. Taman kayègu ku toom tdò i kdee gmangu, du fye i dad to tafaglut di Dwata, toola fkah di nawala mimò fye. Du i tdògu ge too fye na too nun gukmamu i dad to dun.

Hibru 13:9

Taman nang gamu fasyat fagu di kafaglutyu i dad sahal tdò là glut. I gumdà i kgal i kafaglutito, dunan di kafye Dwata gito ise ku mdà di klaloito i dad lii gablà di kakaan. Du landè fa to magtabeng fagu di klaloan i tdò én.

1 Dyan 2:25

Na ani fakang Krayst du blén di gito, dunan nawa landè sen.

Tafite 3:12

“ ‘Na i dad to gamfisan i dad sasè mkel di dale di klalòla deg, fbalinggu ale mdatah déén di gumnè Màgu Dwata na mnè ale déén landè gusenan. Na sulatgu di dale i dagit Màgu Dwata, na dagit i banwe Màgu Dwata, dunan falami Dyérusalém i fdanà fdu di langit mdà di Màgu Dwata. Na sulatgu di dale i falami dagitgu.

Tafite 3:21

Na i dad to gamfisan i dad sasè mkel di dale di klalòla deg banlégu ale kadang glal sudeng di safédgu du magot kdee salngad di kafsudeng i Màgu deg di safédan di kfisangu i kdee dad sasè mkel di deg.