1 Timoti 2:4 - Blaan Sarangani

⁴ du én knayè Dwata ku kdee dad to galwà di kaflayam landè sen, na gmadè i kaglut.

1 Timoti 2:4 ပူးပေါင်းရင်းမြစ်များ

Matyu 28:19

Taman salu gamu di dad to di kdee dad banwe di tah tanà, na flalòyu ale deg. Na bnunyagyu ale di dagit Dwata Mà, na i Tingà, na i Mtiu Tulus.

Mark 16:15

Na manan di dale, “Salu gamu di klamang banwe, na tdòyu i Fye Tulen di kdee dad to.

I Fye Tulen gablà ku Dyisas Krayst i Sulat Luk 1:77

du fgadeam i dad ton nun kagalwà, fagu di klifet Dwata i salàla,

I Fye Tulen gablà ku Dyisas Krayst i Sulat Luk 14:23

“Na man i amu di saligan, ‘Lêman ge mdà salu di dad dalan di bulul, na toom fsalu dini i dad to, fye fnò i gumnègu.

I Fye Tulen gablà ku Dyisas Krayst i Sulat Luk 24:47

na gsulat fa, mdà di glal i dagitgu, tdò kadang di dad to di kdee dad banwe di tah tanà, na ku msal ale mdà di dad sasè nimòla, nlifet Dwata i dad salàla. Na dini di Dyérusalém i munayu gutamdò dun.

Dyan 14:6

Na man Dyisas di kenen, “Agu i dalan salu ditù, na agu i gumdà i kaglut na falami nawa. Landè to fakay salu di Mà ku laan funa magu di deg.

Dyan 17:17

Fagu di kaglut, dunan Tnaluam, nimoam dad to nfunta gablà mgimò dad saligam,

Dyan 6:37

I kdee dad to blé Màgu di deg salu ale di deg. Na balù simto i salu di deg làgu kenen fnang.

Roma 11:14

Fdatahgu i nimògu, du ken mingà nawa i dad demegu Dyu fagu di ktabenggu gamu, du fye nun di dale galwà di flayam Dwata i dad to.

1 Timoti 4:10

Ani sa duenta too fgal mimò, na gal samfati kdee sasè, du fadlug ite fatan na smalig di Dwata too mto i Falwà kdee, lumban i kdee dad to faglut di ku Krayst Dyisas.

2 Timoti 2:25

na fganag mngewe i dad to dmuen i kaglut. Hae, du ken Dwata tamdel nawala fye mguman i fandamla na dmilè i kaglut.

2 Timoti 3:7

na balù tan i tdò di dale mayè ale gambet dun, bay là ale glabat i kaglut.

Titus 1:1

Agu Fol smulat ani, na agu satu salig Dwata, na satu to gal dek Dyisas Krayst. Tanalékan na dekan agu di dad to mgalék Dwata, du fye tangalgu i kafaglutla na mebe dale di kaglut i fnaglutta.

Titus 2:11

Na tafite Dwata i kafyen, i gafalwà kdee sahal dad to di kaflayam landè gusenan.

Hibru 10:26

Na ku tagadeito na tadnawatito i kaglut gablà di klifet Dwata i dad salaito, na baling ito gal tamgaad mimò sasè, landè sa dademe dsù dnawat Dwata, du fye magwè i dad salaito.

Dyém 3:14

Kabay ku too mingà nawayu, na funayu i gamu knayè, nang gamu fagsalà fagu di kafdagyu i kfulungyu, du tmulen gamu kéng.

2 Fiter 3:9

Nun dademe dad to, én fandamla too fganggà Amuito Dyisas dmohò i fakangan, du là fa samfulê, bay gsalà fandamla. Hae, du toon fantahà nawan fa di gamu, du laan mayè ku balù satu to magu di kaflayam landè sen. Kabay én kayean ku msal i kdee dad to na tnagakla dad sasè nimòla.

2 Dyan 1:1

I smulat ani i tua mebe i dad to faglut di ku Dyisas Krayst. Sulatgu ani di gamu toogu kando, di ge i libun tamgalék Dwata na di dad ngaam. Na ise alò deg i kamdo gamu, bay balù i kdee gmadè i kaglut gablà ku Dyisas Krayst,

Tafite 14:6

Kafnge én, teengu satu kasaligan Dwata mayeng, na too mdatah kayengan. Na tulenan i Fye Tulen landè gusenan di dad to di tah tanà, di kdee sahal banwe, na di kdee sahal lumbuk i dad to, na di kdee sahal talù, na di kdee sahal bung to.