1 Timoti 1:17 - Blaan Sarangani

¹⁷ Taman di Dwata gumlé i kdeeito dad to i afè na dayen kel di landè sen, du kenen sa i Harì magot i kdee kel di landè sen, i là fakay mati, i là fakay teen, na kenen alò Dwata. Amén.

1 Timoti 1:17 ပူးပေါင်းရင်းမြစ်များ

Salmo 10:16

I Amugu Dwata i harì, na landè gusen i kagotan; na i dad to dmuen kenen flanan kadang di banwe fakangan di dad ton.

Salmo 90:2

Di là fa mgimò i dad bulul na balù i tanà na i banwe ani, ge sa i Dwata landè gumdà na landè gusen.

Matyu 25:34

“Kafnge én, agu, i Harì, talù agu di dad to gsen di kwanangu, mangu, ‘Gamu, dad gamdawat i kafye màgu, salu gamu dini di deg, na dnawatyu i kagot tagaan gamu mdà di kgimò i banwe.

Matyu 28:20

Na tdòyu ale mimen kdee flalògu gamu. Na nangyu glifet samnagin agu gamu kel di gusen i banwe.”

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

Dyan 1:18

Landè to lmen mite Dwata, bay i sen Tingaan, du lê kenen Dwata na i too kanbong nawa i Maan, na fgadean di gito i kagkah i maan.

Dyan 5:44

Tan i kibòyu faglut du én tooyu knayè i kdayen mdà di demeyu to, ise i kdayen mdà di too glut Dwata.

Roma 1:20

Du tambù fa di kgimò Dwata i banwe kel ani, nun dalan i dad to gmadè kenen, balù làla kenen teen, du too teen i bong kgal i tulusan landè gusenan na i bong kdatahan fagu di kdee dad mgimoan. Taman landè to fakay mangman laan gadè i kaglut.

Roma 1:23

du là ale mangamfù di too glut Dwata, i too mto, bay balingla fnangamfù i dad ise glut dwata i kafbaweh dad to, too mlal mati, i kafbaweh dad anuk di bnas, i kafbaweh dad lmanaf, na i kafbaweh dad fulu di tanà.

Roma 11:36

Du tamgimoan sa i kdee, na kenen magot i kdee, na fagu di kdee tamgimoan magdayen kenen. Taman too ito dmayen kenen kel di landè sen. Amén.

Roma 16:27

Taman dmayen ito Dwata landè gusenan fagu di ku Dyisas Krayst, du kenen alò too fulung na gmadè i kdee. Amén

Roma 2:10

Kabay kdatah, kafè, na ktanak nawa blén di dad to mimò fye, lumban di dad to Dyu, kel di dad to ise Dyu,

Roma 2:7

Na nun dad to fadlug mimò fye, du neyela i kdayen, kafè, na klawil landè sen blé Dwata dale. Na i dad to én, i gumlé Dwata nawa landè sen.

Kolosas 1:15

Na Krayst Dyisas fbaling to, na di kenen i gumiteito kdee gablà di Dwata, i là fakay teen, tagnè kenen Tingà Dwata na mdatah di kdee mgimò.

Hibru 11:27

Na mdà di kafaglutan, tnagakan i banwe Idyif, du laan likò i kaflabè i harì. Na balù too nun kaflayaman laan samfulê, du kanteenan Dwata i là fakay teen.

Hibru 2:7

Kabay tafdataham i dad to fan salngad di kdatah i dad kasaliganam di langit, na tagablém di dale i bong kdatah na afè salngad i harì,

1 Fiter 5:11

Dwata magot i kdee, na landè gusen i kagotan. Amén.

2 Fiter 3:18

Kabay fye too matnù i kgadèyu gablà di Amuito Dyisas Krayst i Falwà gito, na i kafye blén gamu. Kayègu mdà ani too kenen magdayen na kel di landè sen. Amén.

1 Dyan 4:12

Too glut landè fa to mite Dwata, bay ku sakdo ito, mnè kenen di gito, na i kakdon i mnè di nawaito too matnù.

Dyud 1:25

Dnayenito kenen i alò sen Dwata, i gafalwà gito fagu di ku Dyisas Krayst i Amuito i mfun kdee kafye, kdatah, ktulus, na glal di kdee. Tagnè kenen mdà di là fa mgimò i klamang banwe kel ani, na kel di landè sen. Amén.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Tafite 17:14

Na sanfatila kadang i Tingà Bilibili. Kabay gfisanan ale, du Dyisas i Amu di kdee dad amu, na kenen i Harì di kdee dad harì. Na magin di kenen i dad to tamgalékan, dunan i dad to too gsalig di klalòla kenen.”

Tafite 19:1

Na kafnge én, lêmangu linge i talù gambet talù i bong dee dad to stifun déén di langit, mkit ale, manla, “Dnayenito Dwata. Dnayenito kenen i falwà gito, too mdatah kenen, na too mtulus di kdee.

Tafite 19:16

Na nun dagit gsulat di klawehan na di fuadan, manan, “Harì di kdee harì na Amu di kdee amu.”

Tafite 19:6

Na kafnge én, lêmangu linge i talù gambet talù i bong dee dad to, i unin gambet luk i bong fikong, na uni i bong kilet. Na lingegu i kitla, manla, “Dnayenito Dwata. Du Amuito Dwata Too Mtulus i magot i kdee.

Tafite 7:12

Na manla, “Amén. Too glut ani. I Dwataito, too kenen gablà dmawat kdayen, kfangamfù, kablé fye, na afè, du kenen mfun i kfulung na glal, na too kenen mtulus, kel di landè sen. Amén.”