1 Korintu 8:3 - Blaan Sarangani

³ Kabay i to kamdo Dwata, dnilè Dwata, kenen i nfunan.

1 Korintu 8:3 ပူးပေါင်းရင်းမြစ်များ

Salmo 1:6

Gadè Amuito Dwata i gumagu i dad to matlu, na nalakan ale di dalanla, bay i dalan gumagu i dad to sasè déén di gumalmola.

Éksodus 33:12

Na satu duh, man Mosis di Dwata i Amu, “Too glut dekam agu mebe i dad to ani salu di banwe i blém dale, bay laam fa tulen deg ku simto i fasnaginam dagu. Én senam alò gman, tagadeam agu, taman tanalékam agu na kanlehewam agu.

Éksodus 33:17

Na man Dwata i Amu di ku Mosis, “I kdee fnim di deg ani, én i nimògu, du kanlehewta ge, na tanalékta ge.”

Matyu 7:23

Kabay én mangu di dale, ‘Làta gamu dilè. Fawag gamu di deg, du gamu dad to mimò sasè.’

Dyan 10:14

“Agu i too fye mifat i dad bilibili. Sgadè gami mà, na salngad én i kasgadèmi i dad bilibiligu. Na gatlagad agu mlé i ktogu di fati du fye galwà ale.

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

Roma 11:2

Là sa knagol Dwata i dad to mgalékan di muna fa. Gadèyu i gman Tnalù Dwata tafsulatan gablà ku Ilaydya, na di ktaluan di Dwata gablà di dad sasè nimò i dademen bel Israél, manan,

1 Korintu 13:12

Salngad gito dad faglut, du là fa sikof i kgadeito gablà di Dwata. Salngad ku meye ito di sfihu, là too gamal i keyeito. Kabay nun duh kadang, ku teenito Dyisas, too mbangal kiteito kenen, na too sikof i kaglabatito gablà di kenen salngad i kaglabat Dwata gito ani.

1 Korintu 2:9

Kabay balù ani nimò i dad to én, gdohò sa i gsulat di Tnalù Dwata, manan, “Landè to lmen mite, landè lmen mlinge, na landè to lmen gamlabat i kafye tafatlagad Dwata, du blén di dad to mbong nawa kenen.”

Galasya 4:9

Kabay ani, du tagadèyu Dwata, bay fye fa kè ku mangu tagadè gamu Dwata, kan kè ku mayè gamu samfulê di dad tdò i lalòyu di muna i landè gukmamu na i là gmagan falwà gamu? Mayè gamu kè magfasak lêman di tdòla?

2 Timoti 2:19

Kabay balù ani, i glut tdò Dwata là mgili, kaflingengu dun i bong batu na nun gsulat déén, manan, “Gadè Dwata ku simto dad to nfunan.” Na nun fa, manan, “Simto mangman nfun kenen Dwata, là fakay ku laan tagak i sasè nimoan.”

Dyém 1:12

Nun kafye di to tmayud di dad tilew kel di kenen, du ku gamtayud nun untung gdawatan, dunan nawa landè sen fakang Dwata di dad to mbong nawa kenen.

Dyém 2:5

Kabay dad flanekgu kanbonggu nawa, fanlingeyu agu. Là kè glut na i dad to landè di tah tanà i dad mgalék Dwata, du fye nun too glut knunla, dunan i bong kafaglutla di kenen? Na laan ale kè nalék, du fakufan ale di kagotan di fulé duh i fakangan di to mbong nawa kenen? Hae, too glut ani.

1 Fiter 1:8

Na balù làyu lmen mite ku Dyisas Krayst, knean bong nawayu kenen. Na balù làyu fa kenen teen, knean too gamu faglut di kenen, na too nun klehewyu, i klehew mdà di Dwata di langit, i làyu gagan tulen i kafyen.

1 Dyan 4:19

Ani duenito kamdo, du Dwata sa muna kamdo gito.

1 Dyan 4:7

Dad flanekgu toogu kando, too ito sakdo, du Dwata gumdà i glut kakdo. Du i to kamdo i demen to, kenen sa tingà Dwata na gadean Dwata.

Tafite 2:13

Na ani sa i manan gamu. Gadègu gablà di banwe gumnèyu, du nagot Satanas banweyu. Kabay knean, too mabtas di gamu i klalòyu deg na làyu tnagak i kafaglutyu balù di kfatila ku Antifas di blengyu. Too gsalig Antifas tmulen gablà di deg.

Tafite 2:19

Na ani sa i manan gamu. Gadègu gablà di kdee dad nimòyu, i kakdoyu i demeyu to, na i kafaglutyu na i kimòyu di deg, na i ktayudyu di dad kaflayam. Na gadègu matnù i kafye nimòyu.

Tafite 2:9

Na ani sa i manan di gamu. Gadègu i bong kaflayamyu na klandèyu. Kabay i kaglutan too bong knunyu mdà di Dwata. Na gadègu gablà di ksasè kastulen i dad to Dyu gablà di gamu. Balù manla too ale glut Dyu, bay kaglutan, Satanas mfun dale.