Зарджыты зарӕг 7:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Дӕ хъуыр — пылыстӕгӕй конд мӕсыгау. Баш-Раббимы кулдуары цур — Хешбоны донуӕттӕ, уыдоны ’нгӕс — дӕ цӕстытӕ. Цыма ливайнаг мӕсыг Дамаскы ’рдӕм кӕсы, уый ӕнгӕс — дӕ фындз.

Зарджыты зарӕг 7:5 ပူးပေါင်းရင်းမြစ်များ

Райдиан 32:26

Йаковӕн загъта: «Суадз Мӕ, бон фӕрухс кӕны». Йаков ын афтӕ: «Цалынмӕ мын арфӕ ракӕнай, уӕдмӕ Дӕ не суадздзынӕн».

Псаломтӕ 68:24

Сӕ цӕстырухс сыл баталынг уӕд, ӕндзыгнизӕй фӕсӕйӕнт, цӕрӕнбонты ӕдзухъом куыд уой, афтӕ.

Псаломтӕ 87:2

О Дунедарӕг, мӕ ирвӕзынгӕнӕг Хуыцау, ӕхсӕвӕй-бонӕй Дӕумӕ дзыназын!

Ӕмбисӕндтӕ 5:19

Уарзон хъуаз, зӕрдӕйӕн адджын сычъи! Йӕ риутӕй дӕ ’фсадӕд ӕдзухдӕр, йӕ уарзтӕй йын иудадзыг расыг куыд кӕнай, афтӕ.

Зарджыты зарӕг 4:1

— О, цӕй рӕсугъд дӕ, мӕ уарзон, цӕй диссаджы рӕсугъд дӕ! Хызы бын бӕлӕтты ’нгӕс — дӕ цӕстытӕ! Галаады хохы сӕрӕй цыма сӕгътӕ ’рцӕйцӕуынц, уыйау дӕ дзыккутӕ фӕйлауынц.

Зарджыты зарӕг 4:4

Давиды мӕсыг — тохы бонӕн амад, уый ӕнгӕс — дӕ хъуыр: мин уартӕй йӕ сфӕлыстӕуыд, иууылдӕр — ӕфсӕддонты уартытӕ.

Зарджыты зарӕг 5:11

Йӕ сӕр — сыгъдӕг сыгъзӕрин, йӕ сӕрыхъуынтӕ — къӕбӕлдзыг, сынты базыртау сау.

Исайа 35:2

Дидинӕг ракалӕд, цины хъӕр самайӕд, ма уӕд йӕ абухгӕ цинӕн кӕрон! Лӕвӕрд ын ӕрцӕуӕд Ливаны нӕргӕ кад, фестӕд Кармелау, Шаронау рӕсугъд! Уадз ӕмӕ адӕм сӕхи цӕстӕй феной не Скӕнӕг Хуыцауы кад ӕмӕ цыт!

Михей 7:14

Хиз Дӕ лӕдзӕгӕй Дӕ адӕмы, Дӕ исбоны дзуг, хибарӕй Кармелы хъӕдты чи ӕрцардис, уыдоны. Уадз ӕмӕ та, рагзаманты куыд уыдис, афтӕ Башан ӕмӕ Галаады хизой!

Нымӕцтӕ 21:26

Уымӕн ӕмӕ Хешбон уыди Сигоны, аморӕгты паддзахы, сахар. Уый та хӕцыди Моавы раздӕры паддзахимӕ ӕмӕ йын йӕ зӕхх ӕнӕхъӕнӕй, суанг Арноны онг, йӕхи бакодта.

Матфей 18:20

Уымӕн ӕмӕ, Мӕ номыл дыууӕ кӕнӕ ӕртӕ адӕймаджы кӕм ӕрӕмбырд уой, уым Ӕз дӕр семӕ уыдзынӕн».

Матфей 28:20

Сахуыр сӕ кӕнут, Ӕз уын цы бафӕдзӕхстон, ӕппӕт уыдӕттӕ ӕххӕст кӕнын. Ӕз та дунейы фӕудмӕ кӕддӕриддӕр уыдзынӕн уемӕ».

Эфесӕгтӕм 1:22

Хуыцау ӕппӕт дӕр ӕрӕвӕрдта Чырыстийы къӕхты бын ӕмӕ Йӕ сӕвӕрдта тӕккӕ бӕрзонддӕр бынаты — Аргъуаны сӕргъы.

Колоссӕгтӕм 1:18

Уый у Йӕ буары, Аргъуаны, Сӕргълӕууӕг. Уый у Сӕрӕвӕрӕн, мӕрдтӕй фыццаг Уый райгас, цӕмӕй ӕппӕт дӕр уа Йӕ дӕлбар.

Колоссӕгтӕм 2:19

Уыдон Чырыстийыл, буары Сӕргълӕууӕгыл, фидар нӕ хӕцынц. Буарӕн ӕппӕт дӕр дӕтты Чырысти — буар кӕрӕдзиуыл ӕнгом хӕцы нуӕрттӕ ӕмӕ уӕнгбӕттӕнты фӕрцы ӕмӕ рӕзы Хуыцауӕн фӕндиагӕй.

Ӕргомад 1:14

Йӕ сӕрыхъуынтӕ митау уыдысты урс-урсид, урс къуымбилы ӕнгӕс. Йӕ цӕстытӕ — пиллон артау.