Софониа 1:9 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁹ Уыцы бон муртаттӕгты ӕгъдаумӕ гӕсгӕ къӕсӕрыл андзӕвын дӕр чи нӕ уӕнды ӕмӕ йӕ сӕрты чи гӕпп кӕны, Дунедарӕджы хӕдзар тыхми ӕмӕ мӕнгдзинадӕй чи байдзаг кодта, уыдон иууылдӕр бавзардзысты Мӕ азар.

Софониа 1:9 ပူးပေါင်းရင်းမြစ်များ

Неемиа 5:15

Мӕ размӕйы облӕсты хицӕуттӕ та адӕмыл уаргъ ӕвӕрдтой: ӕвзисты дыууиссӕдз шекелӕй уӕлӕмӕ ма адӕмӕй домдтой хор ӕмӕ сӕн. Суанг ма сӕ фӕсдзӕуинтӕ дӕр ӕлдариуӕг кодтой адӕмӕн. Фӕлӕ ӕз афтӕ нӕ кодтон, уымӕн ӕмӕ Хуыцауӕй тӕрсын.

Ӕмбисӕндтӕ 29:12

Кӕд паддзах мӕнг ныхӕстӕм хъусы, уӕд йӕ фӕсдзӕуинтӕ сты ӕнаккӕгтӕ.

Йеремиа 5:27

Маргъӕй йедзаг къалатийау сӕ хӕдзӕрттӕ байдзаг сты мӕнгдзинадӕй, скадджын ӕмӕ схъӕздыг сты.

Амос 3:10

Рӕстӕй цӕрын нӕ зонынц, — зӕгъы Дунедарӕг, — тыхми ӕмӕ стигъыны фӕрцы сӕ галуантӕ алы хӕзнатӕй байдзаг сты.

Михей 6:12

Ацы сахары хъӕздгуытӕ сӕ фыдмитӕй кӕй нал ӕфсӕдынц, йӕ цӕрджытӕ мӕнгард кӕй сты ӕмӕ сӕ раст ныхас кӕй нал хъуысы,

Захариа 5:6

Ӕз ӕй бафарстон: «Цы у уый?» Дзуапп мын радта: «Уый у, ефӕйы бӕрц кӕм цӕуы, ахӕм барӕн мигӕнӕн». Загъта ма: «Уый у ӕгас зӕххы азым».

Апостолты хъуыддӕгтӕ 16:19

Се ’фтиагыл зӕрдӕ дарӕн кӕй нал ис, чызджы хицӕуттӕ уый куы федтой, уӕд Павел ӕмӕ Силӕйы ӕрцахстой, лӕгдыхӕй сӕ акодтой сӕйраг фӕзмӕ, сахары сӕргълӕуджытӕм.

Фӕтӕгтӕ 19:27

Куы сбон ис, уӕд йӕ лӕг сыстади ӕмӕ дуар байгом кодта, цӕмӕй дарддӕр йӕ фӕндагыл ацӕуа. Ӕмӕ федта: йӕ номылус хуыссы дуары цур, йӕ къухтӕй къӕсӕрыл ныххӕцыдис, афтӕмӕй.

1 Паддзахӕдтӕ 5:5

Уымӕ гӕсгӕ Дагоны сауджынтӕн, стӕй Ашдодмӕ Дагоны кувӕндонмӕ цӕуджытӕн абоны онг дӕр фӕткӕн баззад — йӕ къӕсӕрыл ын къахӕй нал ӕрлӕууынц, афтӕмӕй йӕ сӕрты бахизынц.