Ромӕгтӕм 4:18 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁸ Кӕд ныфс ӕвӕрӕн ницӕмӕй уыди, уӕддӕр Авраам йӕ зӕрдӕ дардта ӕмӕ баууӕндыд, ӕмӕ уымӕ гӕсгӕ сси уый бирӕ адӕмты фыдӕл, Сыгъдӕг Фыст куыд зӕгъы, афтӕ: «Дӕ байзӕддӕгтӕ афтӕ бирӕ уыдзысты».

Ромӕгтӕм 4:18 ပူးပေါင်းရင်းမြစ်များ

Ӕмбисӕндтӕ 13:12

Адӕймагӕн йӕ зӕрдӕдарӕн куы не ’ххӕст кӕна, уӕд йӕ зӕрдӕ фӕлмӕцгӕ кӕны, чи сӕххӕст ис, уыцы бӕллиц та — царды бӕлас.

Езекиел 37:11

Дунедарӕг мын загъта: «Адӕймаджы фырт! Ацы стджытӕ сты Израилы ӕппӕт адӕм. Уыдон дзурынц, зӕгъгӕ, бахус сты не стджытӕ, асасти нӕ ныфс, не сӕфт ӕрцыд».

Лука 1:18

Захариа бафарста Зӕды: «Ӕз ууыл куыд хъуамӕ баууӕндон, кӕд ӕмӕ мӕхӕдӕг дӕр зӕронд дӕн, стӕй мӕ ус дӕр зӕронд у, уӕд?»

Апостолты хъуыддӕгтӕ 27:25

Уӕдӕ ма тӕрсут, хорз адӕм, ӕз Хуыцауыл ӕууӕндын: куыд мын загъдӕуыд, афтӕ уыдзӕн.

Ромӕгтӕм 4:17

Сыгъдӕг Фыст куыд зӕгъы, афтӕ: «Ӕз дӕ скодтон бирӕ адӕмты фыдӕл». Бирӕ адӕмты фыдӕл Авраам у Хуыцауы раз — Кӕуыл баууӕндыди, мӕрдты Чи ӕгас кӕны ӕмӕ, цы нӕй, уымӕ ӕнӕуӕвынадӕй уӕвынадмӕ Чи басиды, уыцы Хуыцауы раз.

Ромӕгтӕм 4:19

Авраам ӕмбӕрста: цӕуы йыл фондзыссӕдз азы бӕрц, йӕ буар сӕдых, Саррӕ нал ныййардзӕни, фӕлӕ уӕддӕр йӕ уырнындзинад нӕ фӕцудыдта.

Ромӕгтӕм 5:5

Ныфс та нӕ сайы, уымӕн ӕмӕ, лӕвӕрд нын Чи у, уыцы Сыгъдӕг Уды фӕрцы Хуыцау нӕ зӕрдӕтӕ байдзаг кодта Йӕ уарзтӕй.

Ромӕгтӕм 8:24

Мах уыцы зӕрдӕдарӕнимӕ фервӕзтыстӕм. Зӕрдӕ цӕуыл дарӕм, уый цӕстӕй куы уынӕм, уӕд уый зӕрдӕдарӕн нал у. Адӕймаг цы уына, ууыл ма йӕ зӕрдӕ куыд хъуамӕ дара?

Дзуттӕгтӕм 6:19

Уый махӕн науӕнгуырау у ӕдас ӕмӕ фидар ӕмӕ кӕны Рухсмонуаты рӕбинаг хаймӕ — фӕсӕмбӕрзӕнмӕ,