Ромӕгтӕм 13:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Сӕ хӕстӕ ӕххӕст кӕнгӕйӕ, хицӕуттӕ Хуыцауӕн кӕй лӕггад кӕнынц, сымах хъалон дӕр уымӕ гӕсгӕ фидут.

Ромӕгтӕм 13:6 ပူးပေါင်းရင်းမြစ်များ

2 Паддзахӕдтӕ 8:5

Цовайы паддзах Адад-Езермӕ ӕххуысмӕ ӕрбацыдысты дамаскаг арамейӕгтӕ, ӕмӕ Давид уыдонӕй дӕр дыууӕ ӕмӕ ссӕдз мины ныццагъта.

1 Азфыстытӕ 18:14

Давид паддзахиуӕг кодта ӕгас Израилы, адӕмӕн тӕрхон кодта ӕмӕ раст уынаффӕ хаста.

Езра 4:13

Паддзахӕн хъуамӕ зындгонд уа: ацы сахар арӕзт куы ’рцӕуа ӕмӕ йын йӕ къултӕ амад куы фӕуой, уӕд уыдон налдӕр хъалон, налдӕр фиддон, налдӕр илци фиддзысты, ӕмӕ уый паддзахы къазнайӕн ӕнӕмӕнг зиан уыдзӕни.

Езра 4:20

Йерусалимы уыдис, доны фале ӕгасӕй дӕр кӕй къухы уыди, хъалонтӕ, фиддонтӕ ӕмӕ илци фыст кӕмӕн цыдис, ахӕм домбай паддзӕхтӕ.

Езра 6:8

Ӕз уын бардзырд дӕттын: иудейаг хистӕртӕн ӕххуыс кӕнут, цӕмӕй Хуыцауы хӕдзар фӕстӕмӕ йӕ хуыз райса. Уыцы адӕмӕн паддзахы исбонӕй — Евфраты фале цы фӕрсбӕстӕ ис, уымӕн йӕ фиддонтӕй — ӕвӕстиатӕй хай кӕнут, цӕмӕй куыст къуылымпы ма цӕуа.

Неемиа 5:4

Аннӕтӕ та дзырдтой, мах, дам, нӕ хуымтӕ ӕмӕ нӕ сӕндӕттӕ цъынды раттӕм ӕмӕ афтӕмӕй ӕвзист ӕфстау райсӕм, цӕмӕй паддзахы хъалон бафидӕм.

Лука 23:2

Уым Ӕй райдыдтой аххосджын кӕнын: «Мах сбӕлвырд кодтам, ацы адӕймаг нын адӕмы кӕй халы, уый. Кесӕрӕн хъалон фидын нӕ уадзы ӕмӕ Йӕхи хоны Чырысти, ома Паддзах».

Ромӕгтӕм 12:8

ныфсдӕттӕг чи у — ныфс ӕвӕрӕд; исты дӕттыс — дӕтт ӕй сыгъдӕгзӕрдӕйӕ; хистӕр чи у — хистӕриуӕг кӕнӕд зӕрдиагӕй; хӕрзгӕнӕг чи у — хорз кӕнӕд зӕрдӕрухсӕй.

Ромӕгтӕм 13:5

Уӕдӕ коммӕ кӕсын хъӕуы канд ӕфхӕрд баййафыны тасӕй нӕ, фӕлӕ ӕфсӕрмӕй дӕр.

Ромӕгтӕм 13:7

Уӕдӕ, кӕмӕн цы ӕмбӕлы, уый йын дӕттут: хъалон кӕмӕн ӕмбӕлы, уымӕн — хъалон, фиддон кӕмӕн ӕмбӕлы, уымӕн — фиддон, нымайын кӕй ӕмбӕлы, уый нымайут, кад кӕмӕн ӕмбӕлы, уымӕн кӕнут кад.