Ромӕгтӕм 11:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уӕдӕ уӕ фӕрсын: ау, Хуыцау ныууагъта Йӕ адӕмы? Ницы хуызы! Ӕз мӕхӕдӕг дӕр израилаг дӕн, Авраамы байзӕддаг, Бениамины хӕдзарвӕндагӕй.

Ромӕгтӕм 11:1 ပူးပေါင်းရင်းမြစ်များ

4 Паддзахӕдтӕ 23:27

Дунедарӕг загъта: «Израилы адӕмау Мӕхи атигъ кӕндзынӕн Иудейы адӕмыл дӕр, Ме ’ргом аздахдзынӕн Ме ’взӕрст сахар Йерусалимӕй ӕмӕ, Мӕ ном дзы цӕрдзӕни, зӕгъгӕ, кӕмӕй загътон, уыцы Кувӕндонӕй».

Псаломтӕ 77:7

Цӕмӕй сӕ зӕрдӕ дарой Хуыцауыл, ма рох кӕной Хуыцауы хъуыддӕгтӕ, ӕххӕст Ын кӕной Йӕ фӕдзӕхстытӕ.

Осиа 9:17

Мӕ Хуыцау Йе ’ргом аздахдзӕни уыдонӕй, уымӕн ӕмӕ Йӕм нӕ хъуыстой. Адӕмты ’хсӕн ныххӕлиу уыдзысты.

Лука 20:16

Ӕрцӕудзӕн, уыцы ӕххуырст кусджыты ныццӕгъддзӕн ӕмӕ йӕ сӕндон ратдзӕн ӕндӕртӕн». Уый чи фехъуыста, уыдон загътой: «Хуыцау бахизӕд!»

Апостолты хъуыддӕгтӕ 22:3

«Ӕз дӕн иудейаг, райгуырдтӕн киликиаг Тарсы. Схъомыл дӕн ацы сахары, Гамалиелы къухы, бӕстон сахуыр кодтон нӕ фыдӕлты Ӕгъдау. Сымах уе ’ппӕт дӕр абон Хуыцауыл куыд ӕнувыд стут, ӕз дӕр Ыл афтӕ ӕнувыд дӕн.

Апостолты хъуыддӕгтӕ 26:4

Ме ’взонджы бонтӕй фӕстӕмӕ ӕз куыд цӕрын, уый иудейӕгтӕ иууылдӕр зонынц. Тӕккӕ райдианӕй ӕз цардтӕн мӕ адӕмы ’хсӕн ӕмӕ Йерусалимы.

Ромӕгтӕм 11:11

Фӕрсын: ау, израилӕгтӕ афтӕ фӕкалдысты, ӕмӕ мауал сыстой? Ницы хуызы! Фӕлӕ сӕ фӕкалд ирвӕзындзинад ӕрхаста муртаттӕгтӕн, цӕмӕй сӕм израилӕгтӕ хӕлӕг кӕной.

Ромӕгтӕм 3:4

Ницы хуызы! Хуыцау Йӕ дзырд нӕ сайы, адӕм иууылдӕр мӕнгард куы уой, уӕддӕр. Сыгъдӕг Фыст зӕгъы: «Дӕ рӕстад бӕрӕг уыдзӕни Дӕ ныхӕстӕй, ӕмӕ Дӕ тӕрхоны фӕуӕлахиз уыдзынӕ».

Ромӕгтӕм 9:3

Фӕлтау ӕлгъыст куы баййафин ӕмӕ, мӕ туг, ме стӕг чи у, мӕ уыцы ӕфсымӕрты сӕраппонд Чырыстийӕ куы фӕхицӕн уаин.

2 Коринфӕгтӕм 11:22

Уыдон дзуттӕгтӕ сты? Ӕз дӕр. Израилӕгтӕ сты? Ӕз дӕр. Авраамы цот сты? Ӕз дӕр.

Филиппӕгтӕм 3:5

Сунӕтгонд ӕрцыдтӕн мӕ царды ӕстӕм бон, дӕн израилаг адӕмӕй, Бениамины хӕдзарвӕндагӕй, дзуттӕгтӕй райгуырӕг дзуттаг, Ӕгъдау куыд ӕххӕст кодтон, уымӕ гӕсгӕ — фарисей,

1 Паддзахӕдтӕ 12:22

Дунедарӕг Йе стыр номы хатырӕй Йӕ адӕмы дзӕгъӕлӕй нӕ ныууадздзӕн, уымӕн ӕмӕ Йын фӕндон уыди сымахӕй Йӕхи адӕм саразын.