Ромӕгтӕм 1:22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²² Сӕхи зондджынтӕ хонынц, фӕлӕ сӕ зонд фӕцыди,

Ромӕгтӕм 1:22 ပူးပေါင်းရင်းမြစ်များ

Ӕмбисӕндтӕ 25:14

Мигътӕ ӕмӕ дымгӕ ӕнӕ къӕвдайӕ — уыдоны ’нгӕс у, кӕй нӕ ракодта, ахӕм лӕвӕрттӕй чи феппӕлы, уыцы адӕймаг.

Ӕмбисӕндтӕ 26:12

Искуы, йӕхимӕ куырыхон чи кӕсы, ахӕм адӕймагыл сӕмбӕлдтӕ? Зондцухыл дӕр ма зӕрдӕ дарӕн фылдӕр ис.

Исайа 44:20

Раст цыма, дымгӕ цы рыг систа, уый фӕсте суры ӕмӕ йӕ ӕрцахсынмӕ хъавы. Йе ’дылы зондӕй йӕ фӕндагӕй адзӕгъӕл ис. Куыд фервӕза, уый нӕ зоны, ӕмӕ йӕ бон нӕу зӕгъын: «Уый мӕ къухы ӕцӕгдзинадӕй куы ницы ис!»

Исайа 47:10

Фыдмитӕ кодтай ӕмӕ ницӕмӕй тарстӕ, дзырдтай, ничи мӕ уыны, зӕгъгӕ. Дӕ куырыхон зонд ӕмӕ дӕ дӕ зонындзинӕдтӕ фӕсайдтой, дӕ мидзӕрдӕйы, мӕнӕн ӕмбал нӕй, зӕгъгӕ, куы дзырдтай, уӕд.

Йеремиа 10:14

Ӕдылытӕ сты адӕм, зонынад сӕм нӕй; згъӕртайынгӕнӕг йӕхи худинаг кӕны джиппыуагъд гуымирытӕй, йӕ кӕрдгӕнывтӕ сты мӕнг, уд сӕ нӕй.

Йеремиа 4:22

«Ӕнӕзонд сты Мӕ адӕм — нӕ Мӕ зонынц; ӕдылы сабитау сӕ сӕры зонд нӕй. Фыдбылыз саразынмӕ — зондджын, хӕрзиуӕг ракӕнынмӕ та нӕ арӕхсынц».

Матфей 6:23

Фӕлӕ дӕ цӕст хӕрамӕй талынг куы уа, уӕд дӕ буар иууылдӕр талынг уыдзӕн. Уӕдӕ дӕ мидӕг цы рухс ис, уый талынг кӕд у, уӕд ма талынг та цавӕр у, цымӕ!

Ромӕгтӕм 11:25

Фӕнды мӕ, ӕфсымӕртӕ, сымахӕн ацы сусӕгдзинад раргом кӕнын, цӕмӕй уӕхицӕй ма ныббуц уат: Израилы иу хай нӕ басӕтдзӕн, цалынмӕ муртаттӕгтӕй, цас ӕмбӕлы, уый бӕрц Хуыцаумӕ ӕрцӕуа, уӕдмӕ.