Рацыд 34:21 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²¹ Ӕхсӕз боны дӕргъы кусут, ӕвдӕм бон та баулӕфут. Хуымгӕнӕнтӕ уой ӕви хуымгӕрдӕнтӕ — уӕ куыст-иу бауромут.

Рацыд 34:21 ပူးပေါင်းရင်းမြစ်များ

Райдиан 45:6

Зӕххыл стонг заман куы скодта, уӕдӕй дыууӕ азы рацыд, ӕмӕ ма ноджыдӕр фондз азы дӕргъы нӕдӕр хуым кӕндзысты, нӕдӕр хуым кӕрддзысты.

Неемиа 13:15

Уыцы бонты ӕз федтон: сабаты Иудейы сӕн дыгътой, куыристӕ ластой ӕмӕ хӕрджытыл сӕн, сӕнӕфсир, легъуи ӕмӕ ӕндӕр уӕргътӕ ӕвӕрдтой. Сабаты ӕппӕт уыдӕттӕ Йерусалиммӕ ластой. Тӕккӕ уыцы бон сын ӕз карзӕй загътон, цӕмӕй сабаты мацы уӕй кӕной.

Рацыд 23:12

Ӕхсӕз боны дӕргъы кӕнут уӕ хъуыддӕгтӕ, ӕвдӕм бон та уын уӕд ӕнцойы бон, цӕмӕй баулӕфой уӕ галтӕ ӕмӕ уӕ хӕрджытӕ дӕр, сӕ фӕллад суадзой уӕ цагъайраг сылгоймӕгты фырттӕ ӕмӕ ӕрцӕуӕггӕгтӕ.

Рацыд 31:15

Ӕхсӕз боны кусут, ӕвдӕм бон та у сабат, ӕнцойбон, Дунедарӕгӕн — уаз. Сабаты чидӕриддӕр бакуса, уый мард ӕрцӕуӕд.

Рацыд 35:2

Ӕхсӕз боны дӕргъы кусут, ӕвдӕм бон та уын уӕд уаз ӕнцойбон, сабат, Дунедарӕгӕн — уаз. Уыцы бон чидӕриддӕр бакуса, уый мард ӕрцӕудзӕн.

Исайа 30:24

Уӕ галтӕ ӕмӕ уӕ хӕрджытӕ — уӕ хуымтӕ уын чи бакусы, уыдон — хӕрдзысты, бел ӕмӕ сагойӕ дымгӕмӕ кӕй ныддардтой, ахӕм холлаг, хуырхӕгимӕ хӕццӕйӕ.

Левит 23:3

Ӕхсӕз боны кусут, ӕвдӕм бон та ӕнцойбон у — сабат, уыцы бон-иу уазӕмбырд скӕнут. Мацы-иу бакусут, кӕмфӕнды куы цӕрат, уӕд дӕр: уый Дунедарӕджы сабат у.

Лука 13:14

Уӕд синагогӕйы хицау смӕсты ис, Йесо сылгоймаджы сабаты кӕй сдзӕбӕх кодта, уый тыххӕй ӕмӕ адӕмӕн загъта: «Кусынӕн ис ӕхсӕз боны, гъемӕ-иу уӕхи дзӕбӕх кӕнынмӕ уыцы бонты цӕут, сабаты та — нӕ».

Лука 23:56

Куы раздӕхтысты, уӕд ӕрцӕттӕ кодтой хӕрздӕфгӕнӕнтӕ. Сабат сын, иудейаг Ӕгъдаумӕ гӕсгӕ, уыди ӕнцойбон.

Фӕлхатгонд ӕгъдау 21:4

Акӕнӕнт дыгӕрдыджы, хуымгонд дӕр чи никуыма уыд ӕмӕ кӕй никуы байтыдӕуыд, ахӕм дӕлвӕзмӕ ӕмӕ йын уыцы ран йӕ бӕрзӕй асӕттӕнт.

1 Паддзахӕдтӕ 8:12

Иуты йе ’фсады минонтӕ ӕмӕ фӕндзайонты хицӕуттӕй сӕвӕрдзӕн, иннӕтӕ йын кӕндзысты хуым ӕмӕ йын ӕфснайдзысты йӕ тыллӕг, аннӕтӕ та йын араздзысты хотыхтӕ ӕмӕ ифтонг кӕндзысты тохуӕрдӕттӕ.