Рацыд 32:27 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁷ Моисей сын загъта: «Афтӕ зӕгъы Дунедарӕг, Израилы Хуыцау. Алчидӕр уӕ йӕ кард райсӕд ӕмӕ рӕсӕнуатыл ӕрзилӕд иу дуарӕй иннӕ дуары онг, ӕмӕ уӕ алчидӕр амарӕд йе ’фсымӕры, йе ’мбалы, йӕ хионы».

Рацыд 32:27 ပူးပေါင်းရင်းမြစ်များ

4 Паддзахӕдтӕ 10:25

Иууылсудзинӕгтӕ хаст куы фесты, уӕд Йегу йӕ хъахъхъӕнджытӕ ӕмӕ ӕфсады хицӕуттӕн загъта: «Цӕугӕут мидӕмӕ ӕмӕ сӕ ныццӕгъдут, иу дӕр сӕ куыннӕуал баззайа, афтӕ!» Уыдон се ’ппӕты дӕр ныццагътой ӕмӕ сын сӕ мӕрдтӕ уынгмӕ раппӕрстой, уый фӕстӕ Баалы кувӕндонмӕ бацыдысты.

Рацыд 32:26

Рӕсӕнуаты дуарыл ӕрлӕууыди Моисей ӕмӕ загъта: «Дунедарӕджы фарс чи у, уыдон-ма мӕ размӕ рацӕуӕнт!» Левийы байзӕддӕгтӕ иууылдӕр ӕрӕмбырд сты йӕ размӕ.

Рацыд 32:28

Левийы байзӕддӕгтӕ бакодтой, Моисей сын куыд загъта, афтӕ, ӕмӕ уыцы бон адӕмӕй фӕцагъды ис ӕртӕ мины бӕрц.

Рацыд 32:29

Моисей сын ноджы загъта: «Ацы бон сымах уӕхи снывонд кодтат Дунедарӕгӕн уазлӕггад кӕнынӕн: ничи уӕ бавгъау кодта Уымӕн йӕ фырты дӕр ӕмӕ йе ’фсымӕры дӕр, ӕмӕ Дзы арфӕгонд стут!»

Езекиел 9:5

Ӕз фехъуыстон, иннӕтӕн цы загъта, уый дӕр: «Сымах та цӕут йӕ фӕдыл ӕмӕ адӕмы цӕгъдут. Уӕ цӕст сын ма фӕтӕригъӕд кӕнӕд ӕмӕ сын ма ныббарут.

Нымӕцтӕ 25:5

Моисей загъта Израилы фӕтӕгтӕн: «Алчидӕр уӕ, йӕ адӕмӕй Баал-Пеормӕ чи кувы, уыдоны амарӕд».

Лука 14:26

«Чи Мӕм ӕрбацӕуа, уый йӕ фыды, йӕ мады, йӕ усы, йӕ зӕнӕджы, йе ’фсымӕрты, йӕ хоты, уӕлдайдӕр та йӕ цард Мӕнӕй фылдӕр куы уарза, уӕд Мын ахуыргӕнинагӕн нӕ бӕззы.

2 Коринфӕгтӕм 5:16

Уымӕ гӕсгӕ нырӕй фӕстӕмӕ адӕймаджы цӕстӕй никӕмӕуал кӕсӕм. Кӕддӕр ахӕм цӕстӕй кастыстӕм Чырыстимӕ, ныр та Йӕм нал кӕсӕм.

Фӕлхатгонд ӕгъдау 13:10

Дурты бын ӕй фӕкӕнут, куыд амӕла, афтӕ, уымӕн ӕмӕ уӕ уый ардыдта Дунедарӕджы, уӕ Хуыцауы, уацарӕй уӕ Чи ракодта Мысырӕй, Уый ныууадзыныл.

Фӕлхатгонд ӕгъдау 13:6

Дӕ хӕрз ӕфсымӕр дӕ куы ардауа сусӕгӕй, дӕ фырт, дӕ чызг, дӕ уарзон бинойнаг кӕнӕ дын дӕ адджын ӕмбал куы дзура, цом ӕмӕ лӕггад кӕнӕм, дӕхӕдӕг дӕр ӕмӕ дӕ фыдӕлтӕ дӕр кӕй нӕ зыдтой, уыцы хуыцӕуттӕн,